“ʻOku Lolomi ʻe Sīsū ʻa e Matangí,” Kaumeʻá, Māʻasi 2023, 46–47.
Ngaahi Talanoa mei he Folofolá
Ko Hono Lolomi ʻe Sīsū ʻa e Matangí
Tā Fakatātā ʻa Apryl Stott
ʻI ha pō ʻe taha naʻe kolosi ai ʻa Sīsū Kalaisi mo ʻEne kau ākongá ʻi he tahí ʻi ha vaka. Naʻe ongosia ʻa Sīsū pea tō ʻo mohe.
Ne tō mai ha matangi mālohi. Naʻe fakaʻau ke lalahi ange ʻa e peaú! Naʻe manavahē ʻa e kau ākongá. Naʻa nau fafangu ʻa Sīsū ʻo kole ke Ne fakahaofi kinautolu.
Naʻe tuʻu hake ʻa Sīsū peá ne pehē, “Fiemālie, peá ke tokalelei.” Naʻe malū ʻa e matangí. Naʻe tofukī mo e tahí.
ʻE lava ke ʻomi ʻe heʻeku tui kia Sīsū Kalaisí ʻa e nongá kiate au. ʻI he taimi ʻoku ou ilifia aí, ʻe lava ke tokoniʻi au ʻe Sīsū ke u ongoʻi nonga.