“Naʻe ʻAloʻi ʻa Sīsū ʻi Pētelihema,” Ngaahi Talanoa ‘o e Fuakava Foʻoú maʻá e Kau Laukonga kei Īkí, 2018
“Naʻe ʻAloʻi ʻa Sīsū ʻi Pētelihema”
Ngaahi Talanoa ‘o e Fuakava Foʻoú maʻá e Kau Laukonga kei Īkí
Naʻe ʻAloʻi ʻa Sīsū ʻi Pētelihema
Mei he Luke 1:26-38; 2:1-20
Ne hā mai ha ʻāngelo kia Mele ʻo talaange naʻe fiefia ʻa e ʻOtuá ʻiate ia. Te ne hoko ko e faʻē ʻa Sīsuú!
Ne fononga ʻa Mele mo Siosefa ki Pētelihema. Ne mei hokosia e taimi ke ʻaloʻi ai ʻa Sīsuú. Ne tokolahi e kakai ne ʻaʻahi ki Pētelihemá ʻo ʻikai maʻu ai ʻe Siosefa mo Mele ha loki ke na nofo ai. Ne tukuange ʻe ha taha tauhi fale tali fononga ke na nofo ʻi he fale tauhiʻanga ʻo e fanga monumanú.
Ne taimi siʻi pē pea ʻaloʻi ʻa Sīsū. Ne hā ha fetuʻu ngingila ke tala ki he taha kotoa kuo hoko mai ki he māmaní e Maama ʻo e Māmaní.
Ne fakahā ʻe ha ʻāngelo ki ha kau tauhisipi ʻe niʻihi kuo ʻaloʻi ʻa Sīsū. Ne nau fakavave atu ke mamata ki he pēpē ko Sīsuú ʻoku tokoto ʻi he ʻaiʻanga- kai ʻo e manú.
Ne hāʻele mai ʻa Sīsū ki he māmaní koeʻuhí ko ʻEne ʻofa ʻiate aú. Te u muimui ki Heʻene māmá ʻi he Kilisimasi ko ʻení pea ʻi he taʻú kakato!
Mamata he New Testament Stories ʻi he lds.org/children/scripture-stories.
Peesi Valivalí
Peesi Valivalí
Lomiʻi ‘i he fakatātaá ke download.
“Pea naʻa nau (kau tauhisipí) omi fakavave, ʻo ʻilo ʻa Mele mo Siosefa, mo e tamá ʻoku tokoto ʻi he ʻaiʻanga kai ʻo e manú” (Luke 2:16).
Tā fakatātaaʻi ʻe Apryl Stott