“‘Oku Ou Fie Muimui ʻia Sīsū,” Ngaahi Talanoa ‘o e Fuakava Foʻoú maʻá e Kau Laukonga kei Īkí, 2018

“‘Oku Ou Fie Muimui ʻia Sīsū”

Ngaahi Talanoa ‘o e Fuakava Foʻoú maʻá e Kau Laukonga kei Īkí

‘Oku Ou Fie Muimui ʻia Sīsū

Fai ʻe Kim Webb Reid

Tā fakatātaaʻi ʻe Apryl Stott

ʻĪmisi

Sīsū ‘i ha vaka

ʻI he ʻaho ʻe taha naʻe heka ai ʻa Sīsū ki ha vaka. Naʻá Ne kole ki he kau tangata toutaí ke nau ʻunu atu ki he loto vaí. Naʻá Ne tuʻu ‘i he loto vaká peá Ne akoʻi ʻa e fuʻu kakai ne ‘i he matātahí.

ʻĪmisi

kau tangata toutai ‘i ha vaka

Hili iá pea talaange ‘e Sīsū ki ha tangata toutai ko Pita hono hingoá ke lī hono kupengá ki he vaí. Naʻe pehē ‘e Pita naʻe teʻeki ke ne maʻu ha ika he ‘ahó kakato, ka te ne toe lī pē. Naʻe maʻu ʻe Pita he taimi ko ʻení ha ika feʻunga ke fakafonu ha vaka ʻe ua!

ʻĪmisi

talanoa ʻa Sīsū mo e kau tangata toutaí

Naʻe kole ange ‘e Sīsū ki he kau toutaí ke liʻaki honau ngaahi vaká, pea muimui ʻiate Ia. Naʻá Ne fie maʻu ke nau hoko ko ‘Ene kau ākonga.

ʻĪmisi

fakamoʻui ha kiʻi tamasiʻi ‘e he kau ākongá

Naʻe fanongo ‘a e kau ākonga ʻa Sīsuú ki Heʻene akonaki fekauʻaki mo e Tamai Hēvaní. Naʻa nau vakai ki hono fakamoʻui ʻe Sīsū ʻa e mahakí mo fakahaaʻi ‘a e ʻofa ki he niʻihi kehé. Hili e pekia ‘a Sīsuú, naʻe fakahoko ʻe he kau ākongá e meʻa kuo nau vakai naʻe fai ‘e Sīsuú. Naʻa nau akoʻi, fakamoʻui, mo ‘ofa.

ʻĪmisi

fakafiemālieʻi ‘e ha finemui ha finemui ʻe taha

‘E lava ke u akoʻi ha niʻihi kehe fekauʻaki mo Sīsū ʻo fakafou ʻi he meʻa ʻoku ou lea ‘aki mo fakahokó. Te u lava ‘o fakamoʻui ʻa e kakai ʻoku lavea honau lotó ʻaki e angaʻofá. Te u lava ʻo tokangaʻi e kakai ʻoku nau puke pe masivá. Te u fakahā ‘a e ʻofá, ‘o hangē ko Sīsuú.

Mamata he New Testament Stories ʻi he lds.org/children/scripture-stories.