Naʻe Ako mo Tupulaki ʻa Sīsū

Luke 2:40–52

Fai ʻe Marissa Widdison

Tā fakatātaaʻi ʻe Apryl Stott

Naʻe ʻaloʻi ʻa Sīsū ko ha kiʻi pēpē valevale. Naʻá ku hoko foki ko ha pēpē!

Naʻe tokoni ʻa Mele mo Siosefa ke tokangaʻi ʻa Sīsū. Ko hai ʻokú ne tokoniʻi aú?

Naʻe tupu ʻa Sīsū ʻi he founga tatau naʻá ku tupu aí. Naʻá ne tupu ʻi he poto. ʻOku ʻuhinga ia naʻá Ne ako ha ngaahi meʻa foʻou.

Naʻá Ne tupu lahi. ʻOku ʻuhinga ia naʻe fakaʻau ke Ne sino lahi.

Naʻá Ne fakahōifua ki he ʻOtuá. ʻOku ʻuhinga ia naʻá Ne ako fekauʻaki mo e Tamai Hēvaní. Naʻá Ne ako ke lotu. Naʻá Ne lau e ngaahi folofolá.

Naʻe leleiʻia e tangatá ʻiate Ia. ʻOku ʻuhinga ia naʻá Ne maʻu ha ngaahi kaungāmeʻa foʻou. Naʻá Ne angaʻofa ki he niʻihi kehé. Naʻá Ne tokoni ki hono fāmilí.

Te u lava ʻo tokoniʻi hoku ʻatamaí mo e sinó ke tupulaki. Te u lava ʻo ako ke muimui ki he ‘Otuá. Te u lava ʻo hoko ko ha kaungāmeʻa lelei. Te u tupulaki ʻi ha ngaahi founga lelei, ʻo hangē ko Sīsuú!