“Naʻe Akoʻi ‘e Sīsū fekauʻaki mo e ʻOfa ‘a e Tamai Hēvaní,” Ngaahi Talanoa ‘o e Fuakava Foʻoú maʻá e Kau Laukonga kei Īkí, 2018
“Naʻe Akoʻi ‘e Sīsū fekauʻaki mo e ʻOfa ‘a e Tamai Hēvaní”
Ngaahi Talanoa ‘o e Fuakava Foʻoú maʻá e Kau Laukonga kei Īkí
Naʻe Akoʻi ‘e Sīsū fekauʻaki mo e ʻOfa ‘a e Tamai Hēvaní
Mei he Luke 15
‘I ha ʻaho ‘e taha, ne fakataha mai ʻa e kakaí ke fanongo ki he akonaki ʻa Sīsuú. Naʻá Ne fai ha ngaahi talanoa ‘e tolu.
‘I he talanoa ‘uluakí, naʻe tuku ai ʻe ha tauhisipi ‘ene tākangá kae ʻalu ke kumi ʻa e sipi ‘e taha naʻe molé. ‘I heʻene ʻilo iá, naʻá ne fua ia ʻi hono umá ki ‘api. Naʻá ne fiefia ʻaupito.
‘I he talanoa hono hokó, ko ha fefine naʻe mole ha taha ʻo ʻene ngaahi koini silivá. Naʻá ne tutu ha foʻi teʻelango, tafi ‘a e falikí, peá ne fakasio ʻene koiní. ‘I he taimi naʻá ne ʻilo ai iá, naʻá ne kātoangaʻi fiefia mo hono ngaahi kaungāmeʻá.
‘I he talanoa fakaʻosí, naʻe mavahe ha foha mei ʻapi. Naʻá ne fai ha ngaahi fili naʻe kovi pea fakamoleki ‘ene paʻangá kotoa. Naʻá ne fakakaukau ai ke foki ki ‘api ʻo kole fakamolemole ki heʻene tamaí. ‘I he vakai atu ʻa e tamaí ki hono fohá, naʻá ne lele ke fāʻofua kiate ia.
Naʻe fai ‘e Sīsū ʻa e ngaahi talanoa ko ‘ení ke fakahaaʻi ʻa e lahi ‘o e ʻofa ʻa e Tamai Hēvaní ki he tokotaha kotoa pē. ‘Okú Ne fuʻu fiefia ʻi he taimi ‘oku tau fakatomala aí.
‘I he taimi ʻoku ou fai ai ha ngāue halá, ʻe lava ke u kole fakamolemole pea lotu ki he Tamai Hēvaní. ʻOku fiefia ʻa e Tamai Hēvaní ʻi he taimi ʻoku ou fakatomala aí, pea pehē foki mo au!
Mamata he Ngaahi talanoa ‘o e Fuakava Foʻoú ʻi he lds.org/children/scripture-stories.
Peesi Valivalí
ʻOku ou Lava ke Lotu ki he Tamai Hēvaní
Lomiʻi ‘i he fakatātaá ke download.
Tā fakatātaaʻi ʻe Apryl Stott