“Kuo Fakahā Mai ʻe Sīsū Kiate Kitautolu ʻa e Halá,” Ko e Kaumeʻá, ʻAokosi 2023, 4–5.
Kuo Fakahā Mai ʻe Sīsū Kiate Kitautolu ʻa e Halá.
Ngaahi tā fakatātā ʻa Dan Burr
Ko Sīsū Kalaisi ʻa e ʻAlo ʻo e Tamai Hevaní. Naʻá Ne hāʻele mai ki māmani ke fakahā mai ʻa e founga te tau lava ai ʻo foki ki he Tamai Hēvaní ha ʻaho. Naʻe papitaiso ʻa Sīsū. Naʻá Ne akoʻi ʻoku totonu ke papitaiso foki mo kitautolu.
Naʻe fakahā mai ʻe Sīsū e founga ke tau moʻui aí. Naʻá Ne ʻofa mo tokoniʻi ʻa e tokotaha kotoa pē. ʻOkú Ne fakaafeʻi kitautolu ke tau muimui ʻiate Ia.
Naʻe ongoʻi ʻe Sīsū ʻetau mamahí kotoa pea faingataʻaʻia koeʻuhí ko ʻetau ngaahi angahalá. Peá Ne pekia maʻatautolu. ʻOku ui ʻeni ko e Fakalelei ʻa Sīsū Kalaisí. Naʻá Ne toetuʻu. ʻOku ʻuhinga ia ʻokú Ne moʻui he ʻahó ni! Te tau toe moʻui kotoa hili ʻetau maté, koeʻuhi ko Sīsū Kalaisi.
Naʻe fai ʻe Sīsū e ngaahi meʻa kotoa ko ʻení maʻatautolu koeʻuhí he ʻokú Ne ʻofa ʻiate kitautolu. Te tau lava ʻo nofo ʻi hēvani mo hotau ngaahi fāmilí ʻi ha ʻaho, koeʻuhí ko Ia.
ʻE lava ke tau muimui ʻia Sīsū ʻaki hano papitaiso kitautolu. Te tau lava foki ʻo muimui ʻiate Ia he ʻaho kotoa pē ʻi he taimi ʻoku tau ʻofa mo tokoniʻi ai e niʻihi kehé mo tauhi ʻEne ngaahi fekaú.