“Naʻe Faʻa Fakamolemoleʻi ʻe Sīsū,” Ngaahi Talanoa ‘o e Fuakava Foʻoú maʻá e Kau Laukonga kei Īkí, 2018
“Naʻe Faʻa Fakamolemoleʻi ʻe Sīsū”
Ngaahi Talanoa ‘o e Fuakava Foʻoú maʻá e Kau Laukonga kei Īkí
Naʻe Faʻa Fakamolemoleʻi ʻe Sīsū
Mei he Mātiu 18:21–22; Luke 7:37–48; 11:1–4; 23:34
Naʻe akoʻi ‘e Sīsū ʻEne kau ākongá ke nau faʻa fakamolemole. Naʻá Ne talaange kiate kinautolu ʻe fakamolemoleʻi ʻenau ngaahi angahalá kapau te nau fakamolemoleʻi e niʻihi kehé.
Naʻe fai ange ʻe Pita ha fehuʻi kia Sīsū pe ʻoku totonu ke tuʻo fiha ʻene fakamolemoleʻi ha taha naʻá ne fai ange ha meʻa naʻe hala. “Tuʻo fitu?” Ko e fakamahamahalo ange ia ʻa Pitá.
Naʻe folofola ange ʻa Sīsū, “Tuʻo fitungofulu liunga fitu.”
Naʻe fakamolemoleʻi ʻe Sīsū ʻa e kakai naʻa nau ongoʻi fakatomala koeʻuhí ko ʻenau ngaahi angahalá. ʻI he taimi naʻá Ne fakamolemoleʻi ai ha fefine ʻe taha, naʻá ne houngaʻia moʻoni ko ia ai naʻá ne fufulu ai Hono toʻukupu kelekelé ʻaki hono loʻimatá.
Naʻe fakamolemoleʻi foki ʻe Sīsū ʻa e kakai naʻe ʻikai ke nau ʻilo naʻa nau fai ha meʻa naʻe halá. Naʻá Ne kole ki he Tamai Hēvaní ke fakamolemoleʻi ʻa kinautolu naʻa nau tutuki Iá. Naʻe ‘ikai ke nau ʻilo naʻa nau fakamamahiʻi ‘a e ʻAlo ‘o e ʻOtuá.
ʻOku fakamolemoleʻi ʻe Sīsū e kakaí koeʻuhí ʻokú Ne ʻofa ʻiate kinautolu. Te u lava ʻo feinga ke hangē ko Sīsuú ʻaki ʻeku fakamolemoleʻi foki e niʻihi kehé!
Mamata he New Testament Stories ʻi he lds.org/children/scripture-stories.
Peesi Valivalí
Te u Lava ʻo Loto ʻApasia
Lomiʻi ‘i he fakatātaá ke download.
Tā fakatātaaʻi ʻe Apryl Stott