“Naʻe ʻAʻahi ʻa Sīsū kia Siosefa Sāmita,” Ngaahi Talanoa ‘o e Fuakava Foʻoú maʻá e Kau Laukonga kei Īkí, 2018
“Naʻe ʻAʻahi ʻa Sīsū kia Siosefa Sāmita”
Ngaahi Talanoa ‘o e Fuakava Foʻoú maʻá e Kau Laukonga kei Īkí
Naʻe ʻAʻahi ʻa Sīsū kia Siosefa Sāmita
Mei he Siosefa Sāmita—Hisitōlia 1:1–20
Hili ha ngaahi taʻu lahi e toetuʻu ʻa Sīsuú, naʻe ʻi ai ha fehuʻi ʻa ha kiʻi tamasiʻi naʻe ui ko Siosefa Sāmita. Naʻe ʻikai ke ne ʻiloʻi pe ko e fē e siasi ʻoku totonu ke ʻalu ki aí.
Naʻe lau ʻe Siosefa ʻa e Tohi Tapú. Naʻe pehē ai ʻe tali ʻe he Tamai Hēvaní ʻetau ngaahi fehuʻí kapau te tau lotu kiate Ia. Naʻe ʻalu ʻa Siosefa ki he vao ʻakaú ʻo lotu ki he Tamai Hēvaní.
Naʻe hāʻele hifo ʻa e Tamai Hēvaní mo Sīsū mei he langí. Naʻe folofola ʻa Sīsū naʻe ʻikai totonu ke ʻalu ʻa Siosefa ki ha taha ʻo e ngaahi siasí koeʻuhí naʻe ʻikai ke nau akoʻi kotoa ʻa e ngaahi meʻa ʻo Hono siasí.
ʻI he taimi naʻe lahi hake ai ʻa Siosefá, naʻá ne tokoni ʻi hono fakafoki mai e Siasi ʻo Sīsuú ki he māmaní. ʻOku ui ia ko e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní. ʻOku tokoni ia ke ako ʻe he kakaí fekauʻaki mo Sīsū mo e Tamai Hēvaní.
ʻOku akoʻi lahi au ʻe hono lau ʻo e folofolá fekauʻaki mo e Tamai Hēvaní. ʻI he taimi ʻoku ou lotu aí, te Ne lava ʻo tali foki ʻeku ngaahi lotú.
Mamata he New Testament Stories ʻi he lds.org/children/scripture-stories.
Peesi Valivalí
Ko ha ʻAho Māʻoniʻoni e Sāpaté
Lomiʻi ‘i he fakatātaá ke download.
Tā fakatātaaʻi ʻe Apryl Stott