“ʻOku ʻOfa ʻa Sīsū ʻIate Au,” Ngaahi Talanoa ‘o e Fuakava Foʻoú maʻá e Kau Laukonga kei Īkí, 2018
“ʻOku ʻOfa ʻa Sīsū ʻIate Au”
Ngaahi Talanoa ‘o e Fuakava Foʻoú maʻá e Kau Laukonga kei Īkí
ʻOku ʻOfa ʻa Sīsū ʻIate Au
Kimuʻa pea faʻu ʻa e māmaní, ne tau nofo kotoa pē ʻi langi mo ʻetau Ongomātuʻa Fakalangí pea mo hotau Tuongaʻane/Tokoua lahi ko Sīsuú. Naʻa tau fiefia, pea naʻa tau feʻofoʻofani ʻaupito.
Naʻe fakahā mai ʻe he Tamai Hēvaní ʻi ha ʻaho ʻe taha, te Ne faʻu ha māmani ke tau nofo ai. Naʻá Ne ʻafioʻi ʻe ʻi ai ha ngaahi taimi he ʻikai ke tau tauhi ʻEne ngaahi fekaú lolotonga ʻetau ʻi he māmaní. Te tau fie maʻu ha Fakamoʻui ke tokoni ke tau toe foki ki ʻapi kiate Ia. Naʻe fili ʻe he Tamai Hēvaní ʻa Sīsū ke hoko ko hotau Fakamoʻuí.
ʻI he hāʻele mai ʻa Sīsū ki he māmaní, naʻá Ne fakahaaʻi mai e founga totonu ke tau moʻui aí. Naʻá Ne tokoni ki he kakaí. Naʻá Ne akoʻi kinautolu ke nau feʻofaʻaki.
Naʻe mamahi ʻa Sīsū ʻi he Ngoue ko Ketisemaní pea ʻi he kolosí. Naʻá Ne fai ʻení ka tau lava ʻo fakatomala pea ke tau lava ʻo toe moʻui hili ʻetau maté.
ʻI heʻeku ako fekauʻaki mo Sīsuú, ʻoku ou ongoʻi ʻEne ʻofa ʻiate aú.
Mamata he New Testament Stories ʻi he lds.org/children/scripture-stories.
Peesi Valivalí
Ko e Fānau Au ʻa ha Ongomātuʻa Fakalangi
Lomiʻi ‘i he fakatātaá ke download.
Tā fakatātaaʻi ʻe Apryl Stott