Ngaahi Talanoa ‘o e Fuakava Foʻoú maʻá e Kau Laukonga kei Īkí

Ko e Ngaahi Fononga Fakafaifekau ʻa Paulá

Fai ʻe Marissa Widdison

Tā fakatātaaʻi ʻe Apryl Stott

Hili e toetuʻu a Sīsuú, naʻe fononga ʻa e ʻAposetolo ko Paulá ki he tukui fonua kehekehe ke akoʻi ki he kakaí fekauʻaki mo Sīsū. Naʻe ʻikai ha meʻalele pe vakapuna he taimi ko iá, ko ia naʻá ne lue lalo holo pē! Naʻá ne folau vaka he taimi ʻe niʻihi.

Naʻe akoʻi ʻe Paula ʻa e kakai ʻi he ngaahi falelotú mo e tukui ʻapí. Naʻá ne akoʻi ʻa e kakai ʻi he ʻotu moʻunga makamaká mo e veʻehala ʻi he loto koló.

Naʻe tokolahi e kakai ne ʻikai ke nau saiʻia he meʻa naʻe akoʻi ʻe Paulá. Naʻe ʻave ʻa Paula ki he fale fakapōpulá he taimi ʻe niʻihi. Naʻe faʻa puke ʻa Paula he taimi ʻe niʻihi.

Ka naʻe maʻu ʻe Paula ʻa e tuí ʻi he kotoa ʻo e ngaahi faingataʻa ko ʻení. Naʻá ne pehē, “ʻOku ou faʻa fai ʻa e ngaahi meʻa kotoa pē ʻia Kalaisi.” Naʻá ne ʻiloʻi ʻe tokoniʻi ia ʻe Sīsū ke ne mālohi.

ʻE lava foki ke tokoniʻi au ʻe Sīsū Kalaisi ke u mālohi. ʻOkú Ne ʻofa ʻiate au, pea ʻoku ou ʻofa ʻiate Ia!

Peesi Valivalí

ʻE Lava ke Tokoniʻi Au ʻe Sīsū Ke U Fai e Meʻa Faingataʻá

Tā fakatātaaʻi ʻe Apryl Stott