Миний суурь зарчим: Нэгдмэл байж, хамтдаа үйлчил—Зарцуулах дээд хугацаа: 20 минут

Тунгаан бод:Өөрийгөө умартан, өрөөл бусдад үйлчлэх нь хэрхэн намайг авардаг вэ?

Үз:“Их Эзэний замаар” Srs.lds.org/videos дээр байгаа. (Видео бичлэг байхгүй бол 183-р хуудсыг уншина уу.)

Их Эзэний замаар

Хэрэв видео бичлэгийг үзэх боломжгүй бол энэ эхийг уншина уу.

Их Эзэний замаар

Ерөнхийлөгч Хэнри Б.Айринг: Сүмийн халамжийн хөтөлбөрийн суурь зарчмууд нь зөвхөн нэг цаг үед эсвэл нэг газар зориулагдаагүй юм. Тэдгээр нь бүх цаг үед, бүх газар зориулагдсан.

… Үүнийг хийх арга зам тодорхой. Илүү ихийг хуримтлуулсан хүмүүс гачигдалтай хүмүүст туслахаар өөрсдийгөө даруусгах ёстой. Элбэг хангалуун байгаа хүмүүс өөрсдийн тав тух, цаг зав, авьяас, нөөц боломжоосоо дутагдаж гачигдсан хүмүүсийн зовлонг нимгэлэхийн тулд сайн дураараа золиослол хийх ёстой. Мөн энэ тусламж нь хүлээн авагчдын өөрсдөдөө [мөн дараа нь бусад хүнд] анхаарал тавих хүч чармайлт нэмэгдэх арга замаар өгөгдөх ёстой. Ийнхүү Их Эзэний арга замаар хийгдсэн үед ямар нэгэн гайхамшиг тохиох болно. Авч, өгч байгаа хүмүүсийн аль аль нь адислагдах болно.

(2011 оны 6-р сард болсон Ютагийн Шүгэрхаус халамжийн үйлчилгээний төвийн онцгой адислал дээр ерөнхийлөгч Айрингийн хэлсэн үгээс эш татав, LDS.org)

Ерөнхийлөгч Дийтр Ф.Угдорф: Ах эгч нар аа, бүгдээрээ гачигдалтай хэрэгцээ шаардлагыг мэдэрч, хүмүүст Аврагчтай адил туслах, адислах, сэтгэлийн дэм өгөх ёстой гэрээт хүмүүс билээ.

Бидний залбирлын хариу ихэнхдээ өвдөг сөгдөн сууж байх үед биш, харин Их Эзэнд болон эргэн тойрныхоо хүмүүст үйлчилж байхад ирдэг. Амь бие хайргүй үйлчилж, бүхнээ зориулах нь бидний сэтгэл санааг ариусган, сүнсний мэлмийг нээж, тэнгэрийн үүдийг нээж өгдөг. Бид хэн нэгний залбирлын хариу болсноор өөрсдийнхөө залбирлын хариуг авдаг.

(“Дамаск орох зам дээр хүлээн сууна,” Ensign эсвэл 2011 оны 4-р сарын Ерөнхий чуулган, 77)

182-р хуудас руу буцаж оч.

Ярилц:Бусдад үйлчлэх нь та нарын амьдралд хэрхэн тэнгэрийн цонхнуудыг нээж чадах вэ?

Унш:Зарим хүн өрөөл бусдад байгаа зүйлийг өөрөө хүртэх ёстой гэж боддог ба энэ нь атаархал зэвүүцэл төрүүлдэг. Бусад нь хөдөлмөрлөж олоогүй зүйлүүдээ авах эрхтэй гэж боддог. Энэ хоёр занга нь бүх зүйл Бурханых гэсэн туйлын чухал үнэнийг харахад хүмүүст саад болдог. Бусдын хэрэгцээнд төвлөрснөөр атаархал болон авах эрхтэй гэсэн мэдрэмжийг даван гарч чадна. Мозая 2:17, Мозая 4:26 болон ерөнхийлөгч Гордон Б.Хинклигийн хэлсэн үгээс авсан эшлэлийг унш (баруун талд байгаа).

“Та нар бусдадаа үйлчилж байгаа нь та нар зөвхөн Бурхандаа үйлчилж байгаа гэдгээ мэдэж болохын тулд буюу.”

Moзая 2:17

“Мөн эдүгээ, … өдрөөс өдөрт нүглүүдийнхээ ангижралыг хадгалан үлдэхийн төлөө—та нар хүн бүр байгаагийнхаа хэрээр ядуустай хөрөнгөө хуваалцаасай хэмээнэ би, өлссөнийг хооллох, нүцгэнийг хувцаслах, өвчтэйд очиж мөн сүнсийг нь мөн биеийг нь ч аль алиныг нь, хүссэнийх нь дагуу тэднийг асрах зэрэг болой.”

Moзая 4:26

“Та нар нэгдсэн үед хүч чадал чинь хязгааргүй. Та нар хүссэн бүхнээ гүйцэлдүүлж чадна.”

Гордон Б.Хинкли, “Your Greatest Challenge, Mother,” Ensign, 2000 оны 11-р сар, 97

Үйл ажиллагаа

1-р алхам: Бүлгээрээ тусламж хэрэгтэй хэн нэгний тухай бод.

2-р алхам: Өөрт буй авьяас, танил тал, санал болгох эх сурвалжуудаа ярилц.

3-р алхам: Уг хүндээ үйлчлэх төлөвлөгөө гарга. Жишээлбэл та:

Миний гэр бүл номын хавтас

• Орон нутагтаа үйлчлэл хий.

• Миний гэр бүл: Биднийг нэгтгэдэг түүхүүд товхимлыг ашиглан, гэр бүлийн түүхээ бэлд. Тэгээд ариун сүм рүү явж, гэр бүлийнхээ нас барсан гишүүдийн төлөө ариун нандин ёслолуудыг гүйцэтгэ.

• Хэн нэгнийг бие даах чадвартай болоход нь тусал.

Унш:Ахлагч Робэрт Д.Хэйлс, ерөнхийлөгч Томас С.Монсон нарын хэлсэн үгээс авсан эшлэлүүд (баруун талд байгаа)

“Материаллаг болон сүнслэг байдлын хувьд бие даахын аль алиных нь зорилго нь гачигдалтай хүмүүсийг өргөн дэмжих чадвартай байхын тулд өөрсдийгөө өндөр түвшинд гаргах явдал юм.”

Робэрт Д.Хэйлс, “Өөрсдийгөө таньж мэдэх нь: Ариун ёслол, ариун сүм, үйлчлэлийн золиослол,” Ensign эсвэл 2012 оны 4-р сарын Ерөнхий чуулган, 35

“Бид хамтран ажилласнаар … юуг ч бүтээж чадна. Бид үүнийг хийснээр, ганцаараа зогсож буй нэг хүний сул талыг үгүй болгож, олуулаа хамтдаа үйлчилж байгаа хүмүүсийн хүч чадлаар орлуулах болно.”

Томас С.Монсон, “Church Leaders Speak Out on Gospel Values,” Ensign, 1999 оны 5-р сар, 118

Амлалт өг: Долоо хоногийн турш дараах үйлдлүүдийг хийх амлалт өг. Даалгавар бүрийг дуусгаад, нүднүүдийг тэмдэглэ:

• Хэн нэгэнд үйлчлэх төлөвлөгөөнийхөө дагуу үйлд.

• Өнөөдөр үйлчлэлийн талаар ойлгосон зүйлээ гэр бүл эсвэл найзуудтайгаа хуваалц.