Миний суурь зарчим: Ариун сүмийн ёслолуудыг хүлээн ав—Зарцуулах дээд хугацаа: 20 минут

Тунгаан бод:Таны хувьд хамгийн чухал зарим зүйл юу вэ?

Үз:“Хамгийн чухал зүйлсээ хийх нь” Srs.lds.org/videos дээр байгаа. (Видео бичлэг байхгүй бол 201-р хуудсыг уншина уу.)

Хамгийн чухал зүйлсээ хийх нь

Хэрэв видео бичлэгийг үзэх боломжгүй бол энэ эхийг уншина уу.

Өгүүлэгч: Нэгэн онгоц 12-р сарын нэгэн орой Флоридад осолдсон юм. 100 гаруй хүний амь эрсдэв. Энэ нь аюулгүй бүсээс ердөө 20 бээрийн зайд болсон байв.

Ерөнхийлөгч Дийтр Ф.Угдорф: Ослын дараа, шинжээчид шалтгааныг нь тогтоосон юм. Газардахад хэрэглэгддэг төхөөрөмж нь доошлох үед хэвийн ажиллаж байжээ. Онгоцны бүх механизм маш сайн ажиллаж байсан аж. Ганцхан зүйлээс бусад бүх зүйл ном ёсоороо ажиллаж байв. Ердөө ганцхан шатсан гэрлийн шил. Ойролцоогоор хорьхон центийн үнэтэй жижигхэн гэрлийн шил бөөн хэрэг мандуулж, зуу гаруй хүний амь насыг харамсалтайгаар авч одсон билээ.

Мэдээж, тэр ажиллагаагүй болсон гэрлийн шил осол гаргаагүй л дээ. Энэ нь нисэх багийнхан тухайн үед чухал мэт санагдсан зүйл дээр бүх анхаарлаа төвлөрүүлээд, хамгийн чухал зүйлийнхээ талаар мартсанаас болсон.

Хамгийн чухал зүйлст биш, өчүүхэн жижиг зүйлст хамаг анхаарлаа төвлөрүүлдэг нь зөвхөн нисгэгчдэд ч биш, бид бүгдэд тохиолддог. Бид бүгд аюулд учирч болно. Таны зүрх сэтгэл, бодол санаа тухайн үед чухал мэт санагдах агшин зуурын зүйлүүд дээр төвлөрч байна уу? Эсвэл та хамгийн чухал зүйлсийн тухай бодож байна уу?

(“Бид агуу ажил хийж байна. Тиймээс ухарч болохгүй,” Ensign эсвэл 2009 оны 4-р сарын Ерөнхий чуулган, 69–72)

200-р хуудас руу буцаж оч.

Ярилц:Биднийг өсөлт гаргахад ямар ялихгүй зүйл саад болдог вэ? Сайн мэдээний ёслолууд бидэнд хэрхэн тусалж чадах вэ?

Унш:Сургаал ба Гэрээ 84:20 ба ерөнхийлөгч Боид К.Пакэрын хэлсэн үгээс авсан эшлэл (баруун талд байгаа)

“Тиймийн тул, үүний ёслолуудад бурханлиг чанарын хүч илэрхийлэгддэг.”

Сургаал ба Гэрээ 84:20

“Биднийг ариун сүмийн ёслолуудын ариун нандин ажилд оролцоход Их Эзэн адислах болно. Тэрхүү адислалууд нь бидний ариун сүмийн үйлчлэлээр хязгаарлагддаггүй. Бид бүх үйл хэрэгтээ адислагдах болно. Бид сүнслэг болон материаллаг байдалдаа Их Эзэний тусламжийг хүлээн авах эрхтэй болно.”

Боид K.Пакэр, The Holy Temple (1980), 182

Ярилц:Бид бие даасан байдалтай болохыг эрэлхийлэх үедээ ариун сүмд орохуйц зохистой байх нь яагаад чухал вэ?

Үйл ажиллагаа

1-р алхам: Нэг хамтрагчтай хамт ахлагч Квинтин Л.Күкийн хэлсэн үгээс авсан эшлэл болон дараах судрыг унш. Ариун сүмд орж шүтэн биширдэг хүмүүст амлагдсан адислалуудын доогуур зур.

“Бид Сургаал ба Гэрээний 109-р хэсгийг сайтар судлаад, ерөнхийлөгч [Ховард В.] Хантэрын ‘бидний гишүүнчлэлийн агуу бэлгэ тэмдэг болгон, Их Эзэний ариун сүмийг босгох’ уриалгыг дагавал бидэнд сайн зүйлс ирнэ.”

Квинтин Л.Күк, “Өөрийгөө ариун сүмд байгаагаар хар,” Ensign эсвэл 2016 оны 4-р сарын Ерөнхий чуулган, 83–87; Teachings of Presidents of the Church: Howard W. Hunter (2015), 178-аас эш татав.

“Тиймийн тул, үүний ёслолуудад бурханлиг чанарын хүч илэрхийлэгддэг” (С ба Г 84:20).

“Мөн тэд танд өсөхийн тулд, мөн Ариун Сүнсний бүрэн байдлыг хүлээн авч, мөн таны хуулиудын дагуу зохион байгуулагдаж, мөн хэрэгтэй юм болгоныг олж авахад бэлтгэгдэж болохын тулд буюу” (С ба Г 109:15).

“Мөн таны хүмүүсийн хэн нь ч зөрчил гаргахад, тэд нэн түргэнээр наманчилж мөн танд эргэн ирж мөн таны мэлмийд ээл хишгийг олж, мөн таны өргөөнд таныг хүндэтгэн бишрэх тэдэн дээр юүлэгдэхээр таны томилогдсон адислалуудад сэргээгдэж болохын тулд буюу” (С ба Г 109:21).

“Мөн Ариун Эцэг минь, таны үйлчлэгчид энэ өргөөнөөс таны сүр хүчээр зэвсэглэн урагш одож болохын тулд, мөн таны нэр тэдэн дээр байж болохын тулд мөн таны алдар суу тэдний эргэн тойронд байж болохын тулд, мөн таны тэнгэр элчүүд тэдний дээр захирч байхын тулд бид танаас гуйж байна” (С ба Г 109:22).

“Ариун Эцэг минь, … Тэдний эсрэг бий болсон зэр зэвсэг амжилтад хүрэхгүй байхыг … бид танаас гуйж байна” (С ба Г 109:24–25).

2-р алхам: “Би ариун сүмийн ёслолуудад илүү олон удаа оролцохын тулд амьдралдаа юуг өөрчлөх хэрэгтэй вэ?” гэж ганцаараа тунгаан бод.

Амлалт өг: Долоо хоногийн турш дараах үйлдлүүдийг хийх амлалт өг. Даалгавар бүрийг дуусгаад, нүднүүдийг тэмдэглэ.

• Хэрэв танд ариун сүмийн эрхийн бичиг байгаа бол ариун сүмд орох өдрөө товло.

• Хэрэв танд ариун сүмийн эрхийн бичиг байхгүй бол ариун сүмийн адислалуудыг хүлээн авахад хэрхэн бэлтгэж болохыг ярилцахаар бишоптойгоо эсвэл салбарын ерөнхийлөгчтэйгөө уулз.

• Ариун сүмийн ёслолуудын талаар ойлгож авсан зүйлээ гэр бүл, найзуудтайгаа хуваалц.