“ʻOku ʻi ai nai ha ngaahi fakangatangata maʻá e kāingalotu ʻoku tala ʻoku nau fakafāfine/fakatangatá pe foua ʻa e femanakoʻaki fakahomosekisualé ʻi heʻenau kau mai ki he Siasí?” Femanakoʻaki ʻa e Fefine mo e Fefine pe Tangata mo e Tangata: Kau Taki ʻo e Siasí (2020)
“ʻOku ʻi ai nai ha ngaahi fakangatangata maʻá e kāingalotu ʻoku tala ʻoku nau fakafāfine/fakatangatá pe foua ʻa e femanakoʻaki fakahomosekisualé ʻi heʻenau kau mai ki he Siasí?” Femanakoʻaki ʻa e Fefine mo e Fefine pe Tangata mo e Tangata: Kau Taki ʻo e Siasí
ʻOku ʻi ai nai ha ngaahi fakangatangata maʻá e kāingalotu ʻoku tala ʻoku nau fakafāfine/fakatangatá pe foua ʻa e femanakoʻaki fakahomosekisualé ʻi heʻenau kau mai ki he Siasí?
“Ko ha taha ʻoku muimui ki he tuʻunga pau ʻo e angamaʻá—ko ha taha ʻoku tauhi ʻa e ngaahi fuakavá mo e ngaahi tuʻunga ʻulungāngá, ngaahi akonaki ʻo e ongoongolelei ʻo Kalaisí, neongo ʻene fefaʻuhi mo e femanakoʻaki fakahomosekisualé—ʻoku ʻikai ha ʻuhinga ia ke ne taʻelava ai ʻo kau kakato mai, ke ne taʻe hoko ko ha mēmipa kakato ʻo e Siasí pea maʻu fatongia mo malanga pea hū ʻi he temipalé ʻo ngāue ai, pea ko e ngaahi faingamālie mo e ngaahi tāpuaki kotoa pē ʻe lava ke maʻu mei he mēmipasipi ʻi he Siasí, ʻe ʻatā ia maʻana.
“ʻOku ʻi ai ha ngaahi sīpinga ʻo e meʻa ni ʻi he kāingalotu ʻo e Siasí. ʻOku lahi fau ʻa e ngaahi sīpingá. Pea neongo he ʻikai pehē ʻe ha taha ʻe faingofua maʻu pē, ka ʻoku tau feinga kotoa pē ke tauhi ʻa e ngaahi sīpinga ko iá pea tauhi mo ʻetau ngaahi fuakavá. Pea ʻi he ʻuhinga ko iá, ʻoku tau ʻi ha tūkunga tatau kotoa pē. Ko ia te u pehē leva ʻoku tokolahi ʻa e kakai ʻoku nau maʻu e lavameʻa pea mo e fiefia ko iá ʻi heʻenau moʻuí” (D. Todd Christofferson, “Ko e Taumuʻa ʻo e Uepisaiti Ko ʻEní,” ChurchofJesusChrist.org).