Te u tokoniʻi fēfē ʻa e kāingalotu ʻoku nau foua ʻa e taʻefiemālie ki honau tuʻunga tangata pe fefiné (gender dysphoria) pe ʻoku nau liliu tangata pe fefiné?

ʻOku ʻikai aleaʻi ʻe he uepisaiti ko ʻení ʻa e taʻefiemālie ki he tuʻunga tangata pe fefiné pe ngaahi palopalema ʻo e liliu tangata pe fefiné. Ka neongo ia, ko e konga lahi ʻo e ngaahi tefitoʻi moʻoni fakalūkufua ʻoku vahevahe ʻi he uepisaití ni (hangē ko e mahuʻinga ko ia ke fakakau maí mo e angaʻofá) ʻoku ʻaonga ia ki he Kāingalotu ʻo e Siasí ʻoku nau foua ʻa e taʻefiemālie ki honau tuʻunga tangata pe fefiné pe kuo liliu tangata pe fefiné. Ka ʻoku kehekehe ʻaupito ʻa e femanakoʻaki ʻa e tangata mo e tangata pe fefine mo e fefiné mei he taʻefiemālie ki hoto tuʻunga tangata pe fefiné. Hangē ko ʻení, ko e niʻihi ʻoku taʻefiemālie ki honau tuʻunga tangata pe fefiné, ʻoku nau foua pe ʻikai foua ʻa e femanakoʻaki ʻa e tangata mo e tangata pe fefine mo e fefiné, pea ko e konga lahi ʻo kinautolu ʻoku nau foua e femanakoʻaki ʻa e tangata mo e tangata pe fefine mo e fefiné, ʻoku ʻikai ke nau loto ke liliu honau tuʻunga tangata pe fefiné. Mei he tafaʻaki fakaeʻatamaí mo e tokoni fakalotú, ʻoku kehekehe pē ongo meʻá ni. Ki ha fakamatala lahi ange, vakai ki he Transgender: Understanding Yourself mo e Transgender: Supporting Others, ChurchofJesusChrist.org.