Fa’ahina’arora’a i te ta’ata nō tōna iho ’āpeni
E tano ānei te ture o te vi’ivi’i ’ore nō te feiā e nā roto nei i te fa’ahina’arora’a ta’ata nō tōna iho ’āpeni ?

« E tano ānei te ture o te vi’ivi’i ’ore nō te feiā e nā roto nei i te fa’ahina’arora’a ta’ata nō tōna iho ’āpeni ? » Te fa’ahina’arora’a ta’ata nō tōna iho ’āpeni : Mau ta’ata (2020)

« E tano ānei te ture o te vi’ivi’i ’ore nō te feiā e nā roto nei i te fa’ahina’arora’a ta’ata nō tōna iho ’āpeni ? » Te fa’ahina’arora’a ta’ata nō tōna iho ’āpeni : Mau ta’ata

E tano ānei te ture o te vi’ivi’i ’ore nō te feiā e nā roto nei i te fa’ahina’arora’a ta’ata nō tōna iho ’āpeni ?

E tano te vi’ivi’i ’ore nō te mau ta’ata ato’a

’Ua riro te vi’ivi’i ’ore ’ei tuha’a rahi nō te fa’anahora’a ’a te Atua nō tō tātou ’oa’oa. ’Ua parau te Peresidenira’a Mātāmua ’e te pupu nō te Tino ’Ahuru ma Piti ’āpōsetolo :

« Te ture mātāmua tā te Atua i hōro’a ia Adamu ’e ia Eva ’o tō rāua ïa ti’ara’a ’ei metua, ’ei tāne ’e ’ei vahine fa’aipoipo. Tē fa’a’ite pāpū atu nei mātou ē te fa’auera’a a te Atua i tāna mau tamari’i nō te fānau fa’arahi ’e nō te fa’a’ī i te fenua, tē mana noa nei ā ïa. « Tē fa’a’ite atu nei ā mātou ē ’ua fa’aue mai te Atua ē te mana mo’a nō te hāmanira’a i te ta’ata ’ia fa’a’ohipahia ïa i rotopū ana’e iho i te tāne ’e i te vahine ’o tei fa’aipoipohia mai te au i te ture » («Te ’Utuāfare : E Poro’i i tō te Ao nei »).

« Te ture nō te vi’ivi’i ’ore a te Fatu, ’oia ho’i :

  • Te ha’apaera’a i te ta’otora’a i rāpae’au i te fa’aipoipora’a i rotopū i te tāne ’e te vahine mai te au i te ture a te Atua.

  • Te ha’apa’ora’a i roto i te fa’aipoipora’a » (« Vi’ivi’i ’ore ’e te ha’apa’o-maita’i-ra’a i tōna fa’aipoipora’a », Buka arata’i rahi : Tāvinira’a i roto i Te ’Ēkālesia a Iesu Mesia i te Feiā Mo’a i te mau Mahana Hope’a nei, 38.6.5).

I roto i te parau nō te fa’aipoipora’a i rotopū i te tāne ’e te vahine, ’ua riro te parau nō te ’āpenira’a ’ei tuha’a faufa’a rahi nō te tā’amura’a i rotopū i nā hoa fa’aipoipo. Terā rā, mai te mea e fa’a’ite tātou ia tātou iho i rāpae i te mau ’ōti’a tā te Fatu i ha’amau i te parau nō te ’āpeni, ’aita tātou e ha’ape’ape’a noa i tō tātou ’aravihi ’ia mā’iti maita’i ; tē pāto’i ato’a ra tātou i te hōho’a tā te Fatu i fa’ata’a nō tō tātou ’oa’oa mure ’ore.

Tē fa’ata’a nei te peresideni Dallin H. Oaks : « Te mana nō te hāmani i te ora tāhuti ’o te mana teitei a’e ïa tā te Atua i hōro’a mai i tāna mau tamari’i. Tōna fa’a’ohipara’a ’ua tu’uhi’a i roto i te fa’auera’a mātāmua, terā rā ’ua hōro’ahia mai te tahi atu fa’auera’a faufa’a roa nō te ’ōpani i te fa’a’ohipa-ti’a-’ore-ra’a i te reira. Te ha’apāpūra’a tā tātou e tu’u nei i ni’a i te ture nō te vi’ivi’i ’ore, ’ua ha’amāramaramahia ïa nā roto i tō tātou ta’a-maita’i-ra’a i te tumu nō te mana hāmanira’a tamari’i i roto i te fa’atupura’a i te ’ōpuara’a a te Atua.…

« I rāpae’au i te mau tā’amura’a o te fa’aipoipora’a, e riro te mau fa’a’ohipara’a ato’a o te mana fānau nō terā ’e terā fāito ’ei hara faufau ’e e ha’avi’ivi’i i te huru hanahana roa a’e o te tāne ’e te vāhine » (« The Great Plan of Happiness », Ensign, Novema 1993, 74).

Te vi’ivi’i ’ore ’e te hōho’a faufau

« ’O tōna ra mana’o i roto i tōna ’ā’au, ’o ’oia iho ïa » (Maseli 23:7).

« Tē fa’ahapa nei te ’Ēkālesia i te hōho’a faufau i roto i tōna raura’a. E fa’a’ino te mau huru fa’a’ohipara’a ato’a i te hōho’a faufau i te orara’a o te ta’ata, i te ’utuāfare, ’e i te tōtaiete. E fa’aātea ato’a te reira i te Vārua o te Fatu. E ti’a i te mau melo o te’Ēkālesia ’ia ’ape i te mau huru ravera’a ato’a o te hōho’a faufau ’e ’ia pāto’i i te hāmanira’a, te ha’apararera’a, ’e te fa’a’ohipara’a (« Hōho’a faufau », Buka arata’i rahi, 38.6.11).

E ’ōfatira’a ato’a te hi’o-noa-ra’a i te hōho’a faufau, i te mau fa’auera’a a te Atua. E mana rahi tō te mirimirira’a ’āpeni i ni’a ia tātou. Noa atu ē, te hi’o-noa-ra’a i te mau hōho’a ’aore rā te ferurira’a i te parau nō te pae ta’otora’a, nā te reira e fa’atupu ia tātou i te navenave ’e te hina’aro rahi atu ā. Nō te fa’atīani i teie navenavera’a, e ha’apohe te hōho’a faufau i te ha’apa’o maita’i i te ture mōrare a te Atua. Hau atu, e fa’a’ino te reira i te Vārua, mā te vaiihora’a i te ta’ata ma te arata’i ’e pāruru ’ore a te Vārua Maita’i.

Tē hōro’a nei te ’Ēkālesia i te mau rāve’a i muri nei nō te tauturu i te mau ’episekōpo ’e i te mau peresideni titi, ’a a’o ai rātou i te mau melo tei ō i roto i te hōho’a faufau :

Mai te mea e fa’a’ohipa tātou i tō tātou ti’amāra’a ’ia mā’iti nō te rave i te mau mā’itira’a ’ia pe’e i te mau ture a te Atua, e pūai atu ā tō tātou vārua. Mai te mea tē ’ite ra tātou ia tātou iho e paruparu ra i te pae vārua—’e e nā reira tātou pā’āto’a i terā taime ’e terā taime—tei reira tō tātou Fa’aora ’o Iesu Mesia nō tātou. Nā roto i te tātarahapara’a, e nehenehe tātou e ho’i i roto i te hō’ē orara’a niuhia i ni’a i te ha’avīra’a ia tātou iho.

Te tātarahapara’a

Te ta’ata ato’a e ’ōfati i te ture nō te vi’ivi’i ’ore, noa atu te huru o te fa’ahina’arora’a e nehenehe tāna e fa’afā’ite ’e te Atua nā roto i te tātarahapara’a.

Mai tā Elder David A. Bednar i fa’ata’a mai :

« E tītauhia i te tahi o ’outou tei fāri’i i teie parau poro’i ’ia tātarahapa i te hara pae ’āpeni ’aore rā i te tahi atu mau hara. E mea pinepine te Fa’aora i te fa’aauhia i te hō’ē Taote Rahi, ’e e aura’a tō te reira ti’ara’a i te pae fa’ahōho’ara’a ’e i te pae tuāparaura’a [litterature]. ’Ua fāri’i tātou pā’āto’a i te māuiui ’ia pēpē ana’e te hō’ē vāhi o te tino. ’Ia māuiui ana’e tātou, e ’imi iho ā tātou ’ia tāmarūhia te reira ’e e ’oa’oa tātou nō te rā’au ’e te rāpa’aura’a ’o te tauturu ’ia fa’aiti mai i tō tātou māuiui. ’A feruri na i te hara mai te hō’ē pēpē pae vārua ’o te fa’atupu i te hara ’aore rā, mai tā Alama i fa’ata’a i tāna tamaiti ia Korianotona, ‘i te māuiui i roto i te ’ā’au’ (Alama 42:18). ’Ua riro te hara nō tō tātou vārua mai te māuiui nō tō tātou tino—’ei fa’aarara’a i te ’ati ’e e pārurura’a i mua i te tahi atu mau ’ino. Nā roto i te Tara’ehara a te Fa’aora e tahe mai te rā’au tāmarū ’o te nehenehe e fa’aora i tō tātou mau puta i te pae vārua ’e e ’īriti i te hara. Teie noa rā, e fa’a’ohipa-noa-hia teie rā’au tāmarū nā roto i te mau parau tumu o te fa’aro’o i te Fatu ia Iesu Mesia, te tātarahapa ’e te ha’apa’o tāmau māite. Te hope’a o te tātarahapara’a mau ’o te hau ïa i te ’ā’au, te tāmāhanahana, ’e te ora ’e te fa’a’āpīra’a i te pae vārua » (« Tē ti’aturi nei mātou ē e mea ti’a i te ta’ata ’ia ora ma te vi’ivi’i ’ore », Liahona, Mē 2013, 44).

Tē tītau nei te tātarahapa i te hō’ē tauira’a o te ’ā’au. Te mau hōro’a tao’a rahi o te tātarahapa ’e o te fa’a’orera’a hara e tupu ïa nā roto i te Tāra’ehara a Iesu Mesia. E nehenehe tā te reira e tūmā i te ’ōfa’i pāpa’ira’a [hapa] ’e e ha’apūai i tō tātou ’aravihi ’ia fa’a’ohipa i tō tātou ti’amāra’a e a muri noa atu.

Nene’i