“Ko Hono Fakaleleiʻi Maʻu pē ʻEku Pisinisí: Ko Hoku Fakavaʻé,” Ko Hono Kamata mo Hono Fakatupulaki ʻEku Pisinisí ke Moʻui Fakafalala pē Kiate Aú (2017) “Ko Hono Fakaleleiʻi Maʻu pē ʻo ʻEku Pisinisi: Ko Hoku Fakavaʻé” Ko Hoku Fakavaʻé: Fetuʻutaki: Kole pea mo Fakafanongo Taimi Lōloa Tahá: Miniti ʻe 20 Fakalaulauloto: Ko e fē ha taimi kuo tali ai ʻe he Tamai Hēvaní ʻeku ngaahi lotú? Mamataʻi: “Creating Lift,” ʻoku maʻu ʻi he srs.lds.org/videos (ʻIkai ha vitiō? Lau e fakamatala ʻi he fakaʻosinga ʻo e konga ko ʻení.) Aleaʻi: Te tau lava fēfē ʻo ʻiloʻi e tali ki heʻetau ngaahi lotú? Ko e hā ʻoku hoko ai e fakafanongó ko ha konga mahuʻinga ʻo e lotú? Lau: Tokāteline mo e Ngaahi Fuakava 8:2 mo e lea ʻa Palesiteni Lāsolo M. Nalesoní. Aleaʻi: Ko e hā ʻoku hoko ai e fakafanongó ko ha taukei mahuʻingá? ʻE lava fēfē ke tokoniʻi kitautolu ʻe he fakafanongo fakaleleí, ʻi heʻetau ngāué? Lau: Lau e lea ʻa Palesiteni Henelī B. ʻAealingí mo ʻEletā Lōpeti D. Heilí. Tukupā: Tukupā ke fakahoko ʻa e ngaahi ngāue ko ʻení he lolotonga ʻo e uiké. Lotu fakafoʻituitui mo fakafāmili he pongipongi mo e pō kotoa pē. Tuku ha taimi ʻi he ʻosi ʻo e lotu tāumaʻu kotoa pē ke fakafanongo ai ki ha fakahinohino. Vahevahe ʻa e meʻa kuó ke ako he ʻahó ni fekauʻaki mo e fetuʻutaki mo ho fāmilí pe kaungāmeʻá.