Ko Hoku Fakavaʻé: Fakaʻaongaʻi e Tui kia Sīsū Kalaisi

Taimi Lōloa Tahá: Miniti ʻe 20

Fakalaulauloto:

ʻOku kāunga fēfē ʻeku tui kia Sīsū Kalaisí ki heʻeku moʻui fakafalala pē kiate au?

Mamataʻi:

“Exercise Faith in Jesus Christ,” ‘oku maʻu ʻi he srs.lds.org/videos (ʻIkai ha vitiō? Lau e fakamatala ʻi he fakaʻosinga ʻo e konga ko ʻení.)

Aleaʻi:

Ko e hā ʻoku iku maʻu ai pē ʻa e tui moʻoní ki he ngāué? Ko e hā ʻoku fie maʻu ai e tuí ki hono tokoniʻi fakatuʻasino mo fakalaumālie kitautolu ʻe he ʻOtuá?

Lau:

Mātiu 6:30 mo e kupuʻi lea mei he Lectures on Faith.

Mātiu 6:30

“Pea ko ia kapau ʻoku fakakofu pehē ʻe he ʻOtuá ʻa e mohuku ʻo e ngoué, ʻa ia ʻoku ʻi ai he ʻahó ni, kae lī ki he ngotuʻumú ʻapongipongí, pea ʻe ʻikai lahi hake ʻene fie fakakofuʻi ʻa kimoutolú, ʻa kimoutolu ʻoku siʻi hoʻomou tuí?”

Lectures of Faith

“ʻIkai ʻapē ʻoku fakafalala hoʻomou ngaahi feinga kotoa pē ki hoʻomou tuí? … Hangē ko ʻetau maʻu ʻi he tuí ʻa e ngaahi tāpuaki fakatuʻasinó kotoá, ʻoku tau maʻu pehē foki ʻi he tuí ʻa e ngaahi tāpuaki fakalaumālie kotoa ʻoku tau maʻú. Ka ko e tuí ʻoku ʻikai ko ha tefitoʻi moʻoni pē ia ʻo e ngāué, kae ʻo e mālohí foki.”

(1985), 2, 3

ʻEkitivitī (miniti ʻe 5)

Ko e hala ki he moʻui fakafalala pē kiate kitá, ko ha fononga ia ʻi he tui. ʻOku fakaafeʻi kitautolu ʻe he Kau Palesitenisī ʻUluakí mo e Kōlomu ʻo e Toko Hongofulu Mā Uá ke tau fakamuʻomuʻa ʻi heʻetau moʻuí ʻa hono fakatupulaki ʻetau tui ki he Tamai Hēvaní mo Hono ʻAló.

Sitepu 1: Lau fakakulupu ʻa e ngaahi akonaki fakaepalōfita ke fakamuʻomuʻá pea mo e ngaahi talaʻofa ʻi laló.

Ngaahi Akonaki Fakaepalōfita ke Fakamuʻomuʻá mo e Ngaahi Talaʻofá
“Fakakaukau ki he maʻongoʻonga ʻo e kupuʻi lea ko iá! ʻOku talaʻofa ʻa e koloa ʻo e māmaní kiate kinautolu ʻoku nau tauhi ʻa e Sāpaté ke māʻoniʻoní” (Russell M. Nelson, “ʻOku Fakafiefia ʻa e ʻAho Sāpaté,” Ensign pe Liahona, Mē 2015, 130; vakai foki ki he T&F 59:16
“ʻOku ʻikai tuʻu maʻu ʻa e tuʻunga fakalaumālié pea ʻoku ʻikai pehē mo e ngaahi fuakava [ʻo e sākalamēnití]. ʻOku ʻikai ngata pē hono ʻomi ʻe he ngaahi fuakavá ʻa e ngaahi tukupaá ka ʻoku nau ʻomi ʻa e mālohi fakalaumālié” (Neil L. Andersen, General Authority training meeting, Apr. 2015).
“ʻOku ou fakamoʻoni ʻe lava ke hoko [ʻa e Tohi ʻa Molomoná] ko ha ‘ʻŪlimi mo ha Tūmemi’ fakafoʻituitui ʻi hoʻo moʻuí” (Richard G. Scott, “The Power of the Book of Mormon in My Life,” Ensign, Oct. 1984, 11).

Sitepu 2: Aleaʻi ʻa e founga ʻe tokoni atu ai hono tauhi faivelenga e Sāpaté, maʻu e sākalamēnití, mo lau e Tohi ʻa Molomoná, ke ke moʻui fakafalala ange ai kiate koé.

Tukupā:

Tukupā ke fakahoko ʻa e ngaahi ngāue ko ʻení he lolotonga ʻo e uiké.

• Fakahā hoʻo tuí he Sāpate ko ʻení ʻaki hono tauhi e ʻaho Sāpaté ke māʻoniʻoni mo maʻu ʻa e sākalamēnití ʻi he loto ʻapasia.

• Lau ʻa e Tohi ʻa Molomoná he ʻaho kotoa pē.

• Fili ha taha ʻo e ngaahi potu folofolá pea vahevahe ia mo ho fāmilí pe kaungāmeʻá.

Ngaahi Potufolofola fekauʻaki mo e Ngāueʻi ʻo e Tuí

Koeʻuhí ko e ʻikai tuku e lotu ʻa Tanielá, naʻe lī ai ia ki ha ʻana ʻo e fanga laioné, Ka “[naʻe] fekau ʻe hoku ʻOtuá … ʻene ʻāngeló, pea … tāpuni ʻa e ngutu ʻo e fanga laioné, … pea naʻe ʻikai ʻilo ha lavea siʻi ʻiate ia, koeʻuhí naʻá ne tui ki hono ʻOtuá” (Taniela 6:22–23vakai foki ki he veesi 16–21).

Naʻe ʻoange ʻe he ʻEikí ʻa e Liahoná kia Līhai ke tataki hono fāmilí, pea “naʻe ngāue ia maʻanautolu ʻo fakatatau ki heʻenau tui ki he ʻOtuá. … [ʻI heʻenau] fakapikopiko, ʻo ngalo ʻiate kinautolu ke ngāue ʻaki ʻenau tuí mo e ngāue faivelengá … naʻe ʻikai te nau lava ʻo laka atu ki muʻa ʻi heʻenau fonongá” (ʻAlamā 37:40–41

“Mou ʻomi ʻa e ngaahi vahehongofulu ʻo e meʻá ki he tukunga koloá, koeʻuhí ke ai ha meʻakai ʻi hoku falé, pea mou [ʻahiʻahiʻi] ai au, ʻoku pehē ʻe [he ʻEiki], ʻo e ngaahi kau taú, pe te u fakaava ʻa e ngaahi matapā ʻo e langí pe ʻikai, peá u lilingi hifo kiate kimoutolu ha tāpuaki, ʻe ʻikai ha potu ʻe faʻa hao ia ki ai” (Malakai 3:10).

Naʻe kole ʻa ʻIlaisiā, ʻi he lolotonga ha honge, ki ha fefine uitou ke foaki ange maʻana ʻa ʻene meʻakai fakaʻosí. Naʻe palōmesi ange ʻa ʻIlaisiā ʻe foaki ange ʻe he ʻEikí maʻana ha meʻakai, pea koeʻuhí ko ʻene tuí he ʻikai ai ke toe ʻosi ʻene meʻakaí. (Vakai, 1 Ngaahi Tuʻi 17.)

“ʻO ka kumi ʻe he masivá mo e paeá ʻa e vaí, pea ʻoku ʻikai ia, pea ʻoku vaivai honau ʻeleló ʻi he fie inu, ko au ko Sihova te u fanongo kiate kinautolu, ko au ko e ʻOtua ʻo ʻIsilelí, he ʻikai te u liʻaki ʻa kinautolu” (ʻĪsaia 41:17vakai foki, veesi 18).

Fakaʻaongaʻi e Tui kia Sīsū Kalaisí

Kapau ʻoku ʻikai ke mou lava ʻo mamata ʻi he foʻi vitioó, fili ha mēmipa ʻo e kulupú ke ne lau ʻa e fakamatala ko ʻení.

ʻEletā David A. Bednar: Ko e ngāué ko e fakaʻaongaʻi ia ʻa e tuí. ʻOku fua ʻe he fānau ʻo ʻIsilelí ʻa e puha ʻo e fuakavá. Ko ʻenau aʻu ki he Vaitafe Soataní. Ko e talaʻofá te nau kolosi he fonua mōmoá. ʻE mavaeua fakakū ʻa e vaí? ʻI he taimi ʻe viviku ai honau vaʻé. Ne nau hifo atu ki he vaí—ngāue. Ne hoko mai e mālohí—ʻo mavaeua ʻa e vaí.

ʻOku tau faʻa tui he taimi ʻe niʻihi, “Te u maʻu e mahino haohaoa ko ʻení pea te u liliu ia ki heʻeku meʻa ʻe faí.” ʻOku ou fokotuʻu atu kuo feʻunga ia ke tau kamata ʻaki. Kuo tau ʻiloʻi ʻetau taumuʻá. Ko e tuí ko ha tefitoʻi moʻoni—ko e tefitoʻi moʻoni—ʻo e ngāué mo e mālohí. ʻOku fakataumuʻa ʻa e tui moʻoní ki he ʻEiki ko Sīsū Kalaisí pea ʻoku iku maʻu pē ia ki he ngāué.

(Vakai, “Seek Learning by Faith” [address to Church Educational System religious educators, Feb. 3, 2006], lds.org/media-library