“Ko Hono Tokangaʻi e Tupu ʻo ʻEku Pisinisí: Ko Hoku Fakavaʻé: Ngāue: Fatongiaʻaki mo Vilitaki,” Ko Hono Kamata mo Hono Fakatupulaki ʻEku Pisinisí ke Moʻui Fakafalala pē Kiate Aú (2017)
Ko e hā ʻoku fie maʻu ai ʻe he Tamai Hēvaní ke u fatongia ʻaki ʻeku moʻuí?
“Sedrickʻs Journey,” ʻoku maʻu ʻi he srs.lds.org/videos (ʻIkai ha vitiō? Lau e fakamatala ʻi he fakaʻosinga ʻo e konga ko ʻení.)
ʻOku tau ako fēfē ke kei hoko atu, neongo ʻene faingataʻa ʻa e ngāué?
Tokāteline mo e Ngaahi Fuakava 42:42 mo e lea ʻa Palesiteni Sēmisi E. Fausí.
Lau e lea ʻa ʻEletā D. Toti Kulisitofasoní. Ko e hā ʻoku ʻamanaki mai ai e ʻEikí ke tau ngāueʻi e meʻa ʻoku tau maʻú?
Sitepu 1: Fili ha hoa ngāue pea lau fakataha ʻa e sitepu takitaha ʻi he sīpinga ʻi laló.
Sitepu 2: Fakamatalaʻi ha ngāue faingataʻa pe tukupā ʻoku mou takitaha lolotonga fepaki mo ia.
Sitepu 3: Fetokoniʻaki ʻi hono fakaʻaongaʻi e sitepu ʻe fā ʻi laló ki he ngāue pe tukupā faingataʻá.
1.
Fakatuʻamelie Maʻu Pē
2.
Manatuʻi ke Ngāue Fakataha
3.
Fetongi e Ilifiá ʻaki ʻa e Tuí
4.
Laka atu ki Muʻa ʻi he Faʻa kātaki mo e Lototoʻa
Hiki ho ngaahi tāpuakí.
Kole tokoni ki ho ngaahi kaungāmeʻá, toʻú, kau mēmipa ʻo e kulupú, pea mo ha niʻihi kehe.
Fakaʻehiʻehi mei he veiveiuá. Manatuʻi ʻoku maʻu ʻe he ʻEikí ʻa e mālohi kotoa pē. Tangi kiate Ia pea tali Hono finangaló.
ʻOua, naʻa teitei foʻi; kātaki ʻi he tui. Kumi e ngaahi meʻa ʻoku akoʻi atu ʻe he ʻEikí.
Sitepu 4: Hiki ha founga ʻe ua pe tolu te ke lava ai ʻo laka atu ʻi he tui, ʻo falala ʻe tokonaki ʻe he ʻOtuá.
Faʻu ha Fakamatala
Lau e fakamatala ko ʻeni ʻa Palesiteni Tōmasi S. Monisoní. ʻE founga fēfē haʻaku tali ʻi he taimi ʻoku ʻikai ola lelei ai ʻeku ngāué?
Tukupā ke fakahoko ʻa e ngaahi ngāue ko ʻení he lolotonga ʻo e uiké.
Fili ha meʻa ʻoku faingataʻa pe taʻe fakafiemālie pea fakaʻosi ʻa e ngāue ko iá. Hiki e ngāue te ke fakakakato ʻi laló.
Faʻu ha Fakamatala
Vahevahe mo ho familí pe ngaahi kaungāmeʻá ʻa e meʻa kuó ke ako he ʻahó ni fekauʻaki mo e ngāué mo e vilitakí.
Kapau ʻoku ʻikai ke mou lava ʻo mamata ʻi he foʻi vitioó, fili ha mēmipa ʻo e kulupú ke ne lau ʻa e fakamatala ko ʻení.
Setaleki: Ko hoku hingoá ko Setaleki Kamipesapue. ʻOku ou nofo ʻi he Lepāpulika Fakatemokalati ʻo Kongokoó. Ko ha mēmipa au ʻo e Siasi ʻo e Kau Māʻoniʻoni ʻi he Ngaahi ʻAho Kimui Ní.
Ko ha faifekau fakakolo au ʻi he kolo ko Kipusangá. ʻOku fie maʻu ke u teuteu ke ʻalu ʻo ngāue fakafaifekau ki muli. ʻOku ou fie maʻu ha paasipooti, ka ʻoku paʻanga ʻAmelika ʻe 250 he taimí ni, ka u lava ʻo ʻalu ʻo ngāue fakafaifekau.
ʻOku ou fakatau siane mo ʻeku tangataʻeikí, ke maʻu ha paʻanga. ʻOku tō ʻe ha fanga kiʻi kolo ʻe niʻihi ha siaine lahi: ʻe Tisapopo, mo Lusuku, pea mo Kamanitā.
Ko Tisapopó ʻoku meimei maile ʻe 9 mei heni. Ko Lusukú ʻoku maile ʻe 18. ʻOku maile ʻe 18 mo Kamanitā foki. ʻOkú ma ō ki ai ʻo fakatau siaine, pea ʻomai ki heni ke fakatau atu.
ʻOkú ma ō pasikala ki he fanga kiʻi koló. Te ma lava ʻo fakaheka ha kau siane ʻe fā pe ono.
Ko e taimi ʻoku ou ʻalu pasikala aí, ʻe aʻu pē ʻo houa ʻe taha mo e konga ʻa e ʻalu pē ki aí, ʻo kapau ʻoku sai mo ngāue ʻa e pasikalá pea ʻi ai mo haku ivi. Ko e taimi hoʻataá ʻoku fuʻu ʻafu ʻaupito, pea ʻoku ou ʻaka māmālie leva koeʻuhí ko e velá pea mo e laʻaá.
Te u lava ʻo fefokifokiʻaki tuʻo ua ʻi he ʻaho kapau te u ʻā hengihengia ʻaupito. Ko ha founga lelei ia ke tokoni ʻi he totongi ʻeku paasipōtí.
ʻOku ou maʻu heni ha paʻanga, tānaki māmālie pē, pea ʻoku ou fakatou fakahū ha paʻanga ki heʻeku fakamole fakaakó pea mo ʻeku ngāue fakafaifekaú. ʻI he hili ko ʻeni e taʻu ʻe fā ʻo ʻeku ngāué, kuó u maʻu ha paʻanga feʻunga ki heʻeku paasipōtí, pea mo ha paʻanga ʻe 70.