Tukupā

Taimi Lōloa Tahá: Miniti ʻe 5

Kiʻi Tohi Pisinisí

Ngaahi Fiemaʻu ʻOku ʻIkai Maʻu ʻe he Kasitomaá

Lau:

ʻI hoʻo hoko ko ha taha maʻu pisinisí, ʻoku mahuʻinga ke ke tokanga mo talanoa mo e kakaí he ʻaho kotoa ke ke ʻiloʻi e ngaahi fiemaʻu ʻoku ʻikai maʻu ʻe he kasitomaá. Lekooti ʻi hoʻo kiʻi tohi pisinisí, ʻi he ʻaho kotoa ʻo e uike ní, ha ngaahi fiemaʻu ʻoku ʻikai maʻu ʻa ha kasitomā, ʻokú ke fakatokangaʻi. Hiki ha lisi ‘o e ngaahi fiemaʻu māʻolunga taha ʻe nima hoʻo kau kasitomaá ʻoku ʻikai feaú pea mateuteu ke vahevahe kinautolu mo e kulupú ʻi he uike kahaʻú.

Ngaahi Feʻauʻauhi Leleí

Lau:

ʻOku toe mahuʻinga foki ke ke fakatokangaʻi ʻa e ngaahi lelei ʻo e feʻauʻauhí. Fili ʻi he uiké ni ha pisinisi kehekehe ʻe nima ʻi homou koló ʻokú ke saiʻia ai pea fakakaukau ki he ngaahi lelei ki he feʻauʻauhí ʻoku nau maʻú. Lekooti ʻa e ngaahi lelei ko ʻení ʻi hoʻo kiʻi tohi pisinisí pea mateuteu ke vahevahe kinautolu mo e kulupú ʻi he uike kahaʻú.

Lau mo ho hoa ngāué ʻa e ngaahi tukupā takitaha ʻi laló. ʻE fakautuutu ʻaupito ho ivi ke ikuna ʻi he kamataʻi pe fakatupulaki hoʻo pisinisí, kapau te ke tauhi fakamātoato hoʻo ngaahi tukupā fakauiké. Palōmesi ke tauhi hoʻo ngaahi tukupaá pea toki fakamoʻoni hingoa ʻi lalo.

Ko ʻEku Ngaahi Tukupaá
A. Te u tauhi e ngaahi tukupā ʻi he “Ko Hoku Fakavaʻé” ki he uike ní: Fakahā hoʻo tuí he Sāpate ko ʻení ʻaki hono tauhi e ʻaho Sāpaté ke māʻoniʻoni mo maʻu ʻa e sakalamēnití ʻi he loto ʻapasia. Lau ʻa e Tohi ʻa Molomoná he ʻaho kotoa pē. Lau ʻa e “Ngaahi Potufolofola fekauʻaki mo e Tui ki he Ngāué” ʻi he konga “Ko Hoku Fakavaʻé” ʻo e vahe ko ʻení. Fili ha taha pea vahevahe ia mo hoku fāmilí pe ngaahi kaungāmeʻá.
E. Te u faʻu ha lisi ʻo ha ngaahi fiemaʻu ʻe nima ʻa ha kasitomā ʻoku ʻikai feau, ʻi heʻeku kiʻi tohi pisinisí.
F. Te u faʻu ha lisi ʻo ha ngaahi lelei ʻo e feʻauʻauhí ki ha pisinisi kehekehe ʻe nima ʻi heʻeku kiʻi tohi pisinisí.
H. Te u to e vakaiʻi ʻeku peesi “Fakalaulaulotó” mo tauhi ʻa e ngaahi tukupaá.
I. Te u fetuʻutaki mo poupou ki hoku hoa ngāué.

Manatuʻi ʻe kole atu ʻi he uike kahaʻú ke ke lipooti e lahi ʻo e ngaahi ʻaho ne ke talanoa ai mo ha kau kasitomā mo tohi ʻi hoʻo kiʻi tohi pisinisí (vakai, saati ʻo e “Fakafuofuaʻi ʻo ʻEku Ngāué” ʻi he kamataʻanga ʻo e tohí).

Ko ʻeku fakamoʻoni hingoá

Fakamoʻoni hingoa ʻa e hoa ngāué

Fai ha lotu tuku.