Lipooti

Taimi Lōloa Tahá: Miniti ʻe 25

Fai ha fua lotu.

Ngaahi Tukupā ʻo e Uike Kuo ʻOsí

A. Tauhi e ngaahi tukupā ʻo e “Ko Hoku Fakavaʻé.”

E. Hiki ʻi heʻeku kiʻi tohi pisinisí ha lisi ʻo ha ngaahi palopalema ʻe ala fehangahangai mo ʻeku pisinisí ʻi he fehūʻaki fakapaʻangá.

F. Hiki ʻi heʻeku kiʻi tohi pisinisí ha palani ke fakaleleiʻi e ngaahi palopalema fehūʻaki fakapaʻanga ʻe fehagahangai mo ʻeku pisinisí.

H. Vakaiʻi ʻeku peesi “Fakalaulaulotó” mo tauhi e tukupaá.

I. Fetuʻutaki mo poupouʻi hoku hoa ngāué.

Sitepu 1: Vakaiʻi mo e Hoa Ngāué (miniti ʻe 5)

Fakaʻaongaʻi ha ngaahi miniti siʻi ke vakaiʻi ai hoʻomo feinga ke tauhi hoʻomo ngaahi tukupā he uike ní. Fakaʻaongaʻi ʻa e saati “Ko e Fakafuofuaʻi ʻo ʻEku Ngāué” ʻi he kamataʻanga ʻo e tohi ngāue ko ʻení. Hili ia peá ke vahevahe mo ho hoa ngāué hono vakaiʻí peá mo aleaʻi ʻa e fehuʻi ʻi laló.

Aleaʻi:

Ko e hā ha ngaahi palopalema ne hoko fekauʻaki mo e tauhi hoʻo ngaahi tukupā he uike ní?

Sitepu 2: Lipooti ki he Kulupú (miniti ʻe 8)

Hili hono vakaiʻi hoʻomou ngāué, toe fakataha mai e kulupú pea lipooti ai hoʻomou ngaahi olá. ʻAlu takai ʻi he kulupú ʻo tuku ke nau takitaha fakahā pe naʻe “kulokula,” “engeenga,” pe “lanumata” ʻenau tukupā takitaha ʻo e uike kuo ʻosí. Fakahaaʻi foki mo e lahi ʻo e ʻaho naʻá ke ako fakahoko ai e ngaahi pōtoʻi fakapisinisí takitaha, hangē ko hono lipooti he saati “Ko Hono Fakafuofuaʻi ʻo ʻEku Ngāué.”

Sitepu 3: Vahevahe Hoʻo Ngaahi Aʻusiá (miniti ʻe 10)

Fevahevaheʻaki fakakulupu he taimí ni ʻa e ngaahi meʻa ne mou ako ʻi he feinga ke tauhi hoʻomou ngaahi tukupaá he lolotonga ʻo e uiké.

Aleaʻi:

• Ko e hā ha ngaahi meʻa ne ke aʻusia ʻi hoʻo tauhi hoʻo ngaahi tukupā ʻo e “Ko Hoku Fakavaʻé?

• Ko e hā naʻá ke ako ʻi hoʻo hiki e lisi ʻo e ngaahi faingataʻa ʻe ala hoko he fehūʻaki fakapaʻanga hoʻo pisinisí? Ko e hā ha ngaahi founga naʻá ke maʻu?

Sitepu 4: Fili ʻo e Ngaahi Hoa Ngāué (miniti ʻe 2)

Fili ha hoa ngāue mei he kulupú ki he uike ka hokó. ʻI he angamahení, ko e ngaahi hoa ngāué ko ha ongo tangata pe ongo fefine mei ha fāmili kehekehe.

Tuku ha kiʻi miniti ke ke fakafeʻiloaki ai koe ki ho hoa ngāué. Mo fefakafeʻiloakiʻaki mo aleaʻi e founga ke mo fetuʻutaki ai he lolotonga ʻo e uiké.

Hingoa ʻo e hoa ngāué

Fakamatala ki he fetuʻutakí

Hiki ʻa e founga mo e taimi te mo fetuʻutaki ai he uike ní.