Tukupā

Taimi Lōloa Tahá: Miniti ʻe 5

Lau mo ho hoa ngāué ʻa e ngaahi tukupā takitaha ʻi laló. ʻE fakautuutu ʻaupito ho ivi ke ikuna ʻi he kamataʻi pe fakatupulaki hoʻo pisinisí, kapau te ke tauhi fakamātoato hoʻo ngaahi tukupā fakauiké. Palōmesi ke tauhi hoʻo ngaahi tukupaá pea toki fakamoʻoni hingoa ʻi lalo.

Ko ʻEku Ngaahi Tukupaá
A. Te u tauhi e ngaahi tukupā ʻo e “Ko Hoku Fakavaʻé” ki he uike ní: Fili ha palopalema ʻoku ou fepaki mo ia. Fakaʻaongaʻi e ngaahi sitepu ko ʻení ki heʻeku palopalemá: (1)ʻAi ke ʻiloʻi; (2) Ngaahi founga ke filí; (3) Fakapapauʻi pea ngāue. Vahevahe ʻa e meʻa kuó u ako fekauʻaki mo e fakaleleiʻi ʻo e ngaahi palopalemá mo hoku fāmilí pe kaungāmeʻá.
E. Te u totongiʻi au pe ko haʻaku vahe pea tauhi e paʻanga ʻeku pisinisí ʻi ha ʻakauni mavahe mei heʻeku paʻanga fakatāutahá.
F. Te u tauhi ha lekooti mavahevahe e paʻanga ʻo ʻeku pisinisí mo ʻeku paʻanga fakatāutahá.
H. Te u to e vakaiʻi ʻeku peesi “Fakalaulaulotó” mo tauhi ʻeku ngaahi tukupaá.
I.Te u fetuʻutaki mo poupou ki hoku hoa ngāué.

Manatuʻi ʻe kole atu ʻi he uike kahaʻú ke ke lipooti e lahi ʻo e ngaahi ʻaho ne ke talanoa ai mo ha kau kasitomā, tohi ʻi hoʻo kiʻi tohi pisinisí, fakatau, mo lekooti e fakaikiiki ʻo e meʻa fakapaʻangá (vakai ki he saati “Fakafuofuaʻi ʻo ʻEku Ngāué” ʻi he kamataʻanga ʻo e tohí).

Ko ʻeku fakamoʻoni hingoá

Fakamoʻoni hingoa ʻa e hoa ngāué

Fai ha lotu tuku.