Lipooti

Taimi Lōloa Tahá: Miniti ʻe 25

Fai ha fua lotu.

Ngaahi Tukupā ʻo e Uike Kuo ʻOsí

A. Tauhi e ngaahi tukupā ʻo e “Ko Hoku Fakavaʻé.”

E. Kau ʻi ha Tukupā Fakatau Atu pea lipooti ʻeku aʻusiá ʻi he uike hokó.

F. Fakafonu ʻa e konga ʻo e “Kumí” ʻi he “Founga te u maʻu mo pukepuke ai ʻeku kau kasitomaá?” ʻi heʻeku Palani Pisinisi Fakatāutahá.

H. To e vakaiʻi ʻeku peesi “Fakalaulaulotó” mo tauhi ʻeku tukupaá.

I. Fetuʻutaki mo poupouʻi hoku hoa ngāué.

Sitepu 1: Vakaiʻi mo e Hoa Ngāué (miniti ʻe 5)

Fakaʻaongaʻi ha ngaahi miniti siʻi ke vakaiʻi ai hoʻomo feinga ke tauhi hoʻomo ngaahi tukupā he uike ní. Fakaʻaongaʻi ʻa e saati “Ko e Fakafuofuaʻi ʻo ʻEku Ngāué” ʻi he kamataʻanga ʻo e tohi ngāue ko ʻení. Hili ia peá ke vahevahe mo ho hoa ngāué hono vakaiʻí peá mo aleaʻi ʻa e fehuʻi ʻi laló. Fakatokangaʻi ange ko e “Ngaahi Fakaikiiki ʻo e Lekooti Fakapaʻangá” ko ha faʻahinga poto ia te tau kamata ako fakahoko, ʻo ka hili e ngaahi vahe kimuí.

Aleaʻi:

Ko e hā ha ngaahi faingataʻa naʻá ke fepaki mo ia ʻi he tauhi hoʻo ngaahi tukupaá ʻi he uike ní?

Sitepu 2: Lipooti ki he Kulupú (miniti ʻe 8)

Hili hono vakaiʻi hoʻomo ngāué, toe fakataha mai e kulupú pea lipooti ai hoʻomo ngaahi olá. ʻAlu takai ʻi he kulupú ʻo tuku ke nau takitaha fakahā pe naʻe “kulokula,” “engeenga,” pe “lanumata” ʻenau tukupā takitaha ʻo e uike kuo ʻosí. Fakahaaʻi foki mo e lahi ʻo e ʻaho naʻá ke ako fakahoko ai e ngaahi pōtoʻi fakapisinisí takitaha, hangē ko hono lipooti he saati “Ko Hono Fakafuofuaʻi ʻo ʻEku Ngāué.”

Sitepu 3: Vahevahe Hoʻo Ngaahi Aʻusiá (miniti ʻe 10)

Fevahevaheʻaki fakakulupu he taimí ni ʻa e ngaahi meʻa ne mou ako ʻi he feinga ke tauhi hoʻomou ngaahi tukupaá he lolotonga ʻo e uiké.

Aleaʻi:

• Ko e hā ha ngaahi meʻa ne ke aʻusia ʻi hoʻo tauhi hoʻo ngaahi tukupā ʻo e “Ko Hoku Fakavaʻé”?

• Ko e hā naʻá ke ako mei hono Fokotuʻu ha Tukupā Fakatau Atú?

• Ko e hā ne mei finangalo ʻetau Tamai Hēvaní ke tau ako fekauʻaki mo e tamuʻomuʻa ʻi heʻetau pisinisí?

Sitepu 4: Fili ha Ngaahi Hoa Ngāue (miniti ʻe 2)

Fili ha hoa ngāue mei he kulupú ki he uike hoko maí. Ko e angamahení, ko e ngaahi hoa ngāué ko ha ongo tangata pe ongo fafine mei ha fāmili kehekehe.

Tuku ha kiʻi miniti ke ke fakafeʻiloaki ai koe ki ho hoa ngāué. Mo fefakafeʻiloakiʻaki mo aleaʻi e founga ke mo fetuʻutaki ai he lolotonga ʻo e uiké.

Hingoa ʻo e hoa ngāué

Fakamatala ki he fetuʻutakí

Hiki ʻa e founga mo e taimi te mo fetuʻutaki ai he uike ní.