Pōpoaki mei he Kau Palesitenisī ʻUluakí

Siʻi Kāinga ʻOfeina:

Kuo fakahā mai ʻe he ʻEikí, “Ko ʻeku taumuʻá ke tauhi ʻa ʻeku kau māʻoniʻoní” (T&F 104:15). Ko e fakahaá ni ko ha talaʻofa ia mei he ʻEikí te Ne ʻomi ha ngaahi tāpuaki fakatuʻasino pea mo fakaava e matapā ʻo e moʻui fakafalala pē kiate kitá, ʻa ia ko ʻetau malava ia ke tokonaki e ngaahi fiemaʻu ʻo e moʻuí maʻatautolu mo e kau mēmipa hotau fāmilí.

Kuo teuteu ʻa e kiʻi tohi ngāué ni ke tokoniʻi e kau mēmipa ʻo e Siasí ke nau ʻilo pea mo moʻui ʻaki e ngaahi tefitoʻi moʻoni ʻo e tuí, akó, ngāue mālohí, pea mo falala ki he ʻEikí. Te ke lava lelei ange ʻi haʻo tali mo moʻuiʻaki e ngaahi tefitoʻi moʻoni ko ʻení ke maʻu e ngaahi tāpuaki fakatuʻasino ne talaʻofa ʻe he ʻEikí.

ʻOku mau fakaafeʻi koe ke ke ako faivelenga pea mo fakaʻaongaʻi ʻa e ngaahi tefitoʻi moʻoni ko ʻení pea mo akoʻi kinautolu ki he kau mēmipa ho fāmilí. ʻI hoʻo fai iá, ʻe tāpuekina leva hoʻo moʻuí. Te ke ako ʻa e founga ke ngāue ai ʻi ho hala ki he moʻui fakafalala lahi ange kiate kitá. ʻE tāpuakiʻi koe ʻaki ha ʻamanaki lelei, nonga, mo ha fakalakalaka lahi ange.

Fakamolemole ʻo ʻiloʻi fakapapau ko e fānau koe ʻa ʻetau Tamai Hēvaní. ʻOkú Ne ʻofa ʻiate koe pea he ʻikai teitei liʻaki koe. ʻOkú Ne ʻafioʻi koe pea mo mateuteu ke ʻoatu e ngaahi tāpuaki fakalaumālie mo fakatuʻasino ʻo e moʻui fakafalala pē kiate kitá.

Fakaʻapaʻapa atu,

Ko e Kau Palesitenisī ʻUluakí