Դաս 19․ Դասարանի նախապատրաստական նյութ

Արդար ապրել ամբարշտության օրերում

սուրբ գրություններ կարդացող պատանի

Նախագահ Էզրա Թաֆտ Բենսոնն ուսուցանել է, որ Մորմոնի Գիրքը «ամրապնդում է Քրիստոսի խոնարհ հետևորդներին չարի հնարքների, ռազմավարության և դևի վարդապետությունների դեմ մեր օրերում» («The Book of Mormon Is the Word of God» Ensign, Jan. 1988, 3): Այս բաժնում դուք հնարավորություն կունենաք ուսումնասիրել, թե ինչպես է Մորմոնի Գիրքը բացահայտում այդ վտանգները, որպեսզի դուք ավելի լավ պաշտպանվեք: Երբ ուսումնասիրեք այս դասը, փնտրեք սկզբունքներ, որոնք կօգնեն ձեզ արդար ապրել ամբարշտության օրերում:

Բաժին 1

Ինչպե՞ս կարող եմ հավատարիմ մնալ Տիրոջը, երբ ես հալածանքի եմ հանդիպում ավետարանով ապրելու համար

Երբ Հելամանը` Հելամանի որդին, զբաղեցրեց դատավորի աթոռը, Նեփիացիները ապրեցին խաղաղության մի ժամանակահատված և տասնյակ հազարավոր մարդիկ միացան Եկեղեցուն: Մինչ Եկեղեցին բարգավաճում էր, որոշ անդամներ դարձան հպարտ և սկսեցին հալածել Հիսուս Քրիստոսի խոնարհ հետևորդներին: (Տես Հելաման 3.20–34)

հպարտ Նեփիացիները հալածում են մի մարդու

պատկերակ, ուսումնասիրել

Ուսումնասիրեք դասին նախապատրաստվելիս

Ընթերցեք Հելաման 3.33–35-ը և փնտրեք, թե Քրիստոսի խոնարհ հետևորդներն ինչպես էին արձագանքում Եկեղեցու մյուս անդամների հալածանքին:

պատկերակ, խորհել

Խորհեք դասին նախապատրաստվելիս

Մտածեք մի ժամանակի մասին, երբ Եկեղեցու մյուս անդամների կողմից զգացել կամ ականատես եք եղել վիրավորական վերաբերմունքի կամ անբարյացակամ խոսքերի: Ինչպե՞ս եք արձագանքել: Ի՞նչ ենք մենք սովորում խոնարհ Սրբերից այն մասին, թե ինչպե՞ս դիմակայել այդպիսի հալածանքին:

Բաժին 2

Ինչպե՞ս կարող եմ լինել արդար, երբ շրջապատված եմ ամբարշտությամբ

Մորմոն մարգարեն և նրա որդի Մորոնին դիմակայեցին համատարած ամբարշտության մի ժամանակի: Մեղքի և ամբարշտության պատճառով հրաշքները դադարել էին, և Սուրբ Հոգին այլևս մարդկանց հետ չէր: Ամբողջ երկրում գերիշխում էր սատանայի զորությունը: (Տես Մորմոն 1.13–19) Իր որդի Մորոնիին գրած մի նամակում Մորմոնը նկարագրում է մարդկանց վիճակը և եզրակացնում, որ նրանք այնքան այլասերված էին, որ «առանց քաղաքակրթության» էին: (Մորոնի 9.11): Բռնությունը, պատերազմը և կոտորածը սրբեցին երկիրը, մինչ Լամանացիները և Նեփիացիները անընդհատ կռվում էին միմյանց դեմ: Ի վերջո, Լամանացիները գերիշխեցին, և Մորմոնն ու Մորոնին ականատես եղան Նեփիացիների լիակատար կործանմանը (տես Մորմոն 2–6, 8.1–3, 7):

Մորմոնը հրաժեշտ է տալիս երբեմնի մեծ ազգին, նկարը՝ ըստ Առնոլդ Ֆրայբերգի

պատկերակ, ուսումնասիրել

Ուսումնասիրեք դասին նախապատրաստվելիս

Կարդացեք Մորմոն 1.1–2, 15 և Մորոնի 9.25–26-ը, փնտրելով մի քանի պատճառներ, թե ինչու Մորմոնը և Մորոնին կարողացան հավատարիմ մնալ Տիրոջը, երբ նրանք շրջապատված էին ամբարշտությամբ:

Անդրադառնալով մեղսավոր աշխարհում Փրկիչի վրա կենտրոնանալու զորությանը՝ նախագահ Ջոյ Դ․ Ջոնսը` Երեխաների միության գերագույն նախագահը, ուսուցանել է.

Նախագահ Ջոյ Դ․ Ջոնս

Եթե աշխարհն ավելի ուժեղ է ձգում, քան հավատքը և վստահությունը, որը մենք ունենք Փրկիչի հանդեպ, ապա աշխարհի ձգողականությունը կգերիշխի ամեն անգամ: …

… Չնայած հաճախ ավելի հեշտ է հոգևորապես պասիվ լինել, քան հոգևոր ջանք գործադրել հիշելու և ընդունելու մեր աստվածային ինքնությունը, մենք չենք կարող թույլ տալ այդ հանդուրժողությունը այս վերջին օրերում: Թող որ … «մենք հավատարիմ լինենք Քրիստոսին,… թող Քրիստոսը [մեզ] վեր բարձրացնի, և թող նրա տառապանքներն ու մահը,… նրա ողորմությունն ու երկայնամտությունը, և նրա փառքի ու հավերժական կյանքի հույսը մնա [մեր] մտքում հավիտյան» [Մորոնի 9.25]: Երբ Փրկիչը բարձրացնի մեզ ավելի բարձր մակարդակի, մենք ավելի հստակ կարող ենք տեսնել ոչ միայն այն, թե ով ենք մենք, այլ որ մենք ավելի մոտ ենք Նրան, քան երբևէ պատկերացրել ենք:: («Անչափելի արժեք», Ensign կամ Լիահոնա, նոյեմբեր 2017, 15)

Քրիստոսը կենտրոնում, նկարը՝ ըստ Ջուդիթ Ա. Մեհրի

Տասներկու Առաքյալների Քվորումից երեց Նիլ Լ․ Անդերսենը տվել է հետևյալ վկայությունն այն մասին, թե Տերն ինչպես կօգնի հավատարիմներին դիմակայել ամբարիշտ աշխարհին.

Երեց Նիլ Լ. Անդերսեն

Մեր օրերն անսպասելի օրեր չեն, և Տերն ապահովել է մեր հոգևոր անվտանգությունը: … Աշխարհում չարիքի մեծացմանը զուգընթաց գոյություն ունի հայտնությանը և արդարներին տրված հոգևոր պարգևներին փոխհատուցող ուժ: Տերը մեզ հավելյալ ուժ է տալիս, երբ պատրաստակամ ենք արդար մնալ այս ամբարիշտ աշխարհում։։ («Լ սարան հավատքի, հույսի և գթության» [Երեկո Բարձրագույն իշխանության հետ, փետ. 28, 2014], ChurchofJesusChrist.org)

պատկերակ, գրել

Գրի առեք ձեր մտքերը

Մորմոնի Գրքից նշեք մի անհատի կամ մարդկանց խմբի, ովքեր Մորմոնի կամ Մորոնիի նման դիմակայեցին ամբարշտությանը, բայց հավատարիմ մնացին Տիրոջը: Երբ մտածեք այս օրինակի մասին, փնտրեք սուրբ գրության որևէ հատված, որը կարող է հավելյալ ներըմբռնում ավելացնել այդ անհատի (կամ մարդկանց խմբի) մասին: Ապա գրի առեք ձեր մտքերը հետևյալ հարցերի շուրջ.

• Ինչպե՞ս կնկարագրեք այն ամբարշտությունը, որին այդ մարդը (կամ մարդկանց խումբը) դիմակայեց:

• Ի՞նչ արեց այդ մարդը կամ (մարդկանց խումբը), որը դուք էլ կարող եք անել` հավատարիմ մնալով Տիրոջը, երբ դիմակայեք աշխարհի ամբարշտությանն ու գայթակղություններին:

Դասարան եկեք պատրաստված՝ ձեր օրինակով կիսվելու համար։ Նախապատրաստվեք նաև կիսվել ինչ-որ մեկի օրինակով, ում դուք գիտեք անձնապես, ով դիմակայել է ամբարշտությանը և հավատարիմ է մնացել Տիրոջը:

Ցանկանո՞ւմ եք ավելին։ (Ոչ պարտադիր)

Ինչպե՞ս կարող եմ օրհնվել՝ սիրտս Աստծուն հանձնելով:

Կարդացեք Հելաման 7–9 գլուխների վերնագրերը: Ապա ընթերցեք Հելաման 10.1–5-ը, և մտածեք, թե ինչպես օրհնվեց Հելամանի որդի Նեփին՝ Տիրոջ կամքին հնազանդ լինելու համար:

Քույր Նեյլ Ֆ. Մերիոթ

Իր ելույթում՝ «Ենթարկենք մեր սրտերը Աստծուն» (Ensign կամ Լիահոնա, նոյեմբեր 2015, 30–32), քույր Նեյլ Ֆ. Մերիոթը` Երիտասարդ կանանց գերագույն նախագահության մի նախկին խորհրդական, ուսուցանել է, թե մենք ինչպես կարող ենք մեծացնել մեր արդար ապրելու զորությունը, երբ մեր սրտերը ենթարկում ենք Աստծուն (տես նաև Հելաման 3.35):

Ինչո՞ւ է կարևոր քաջություն ունենալ, երբ դիմակայում ենք իրավիճակների, որոնք համապատասխան չեն Հիսուս Քրիստոսի ուսմունքներին:

«Leave the Party» (6:26) տեսաֆիլմում Տասներկու Առաքյալների Քվորումից երեց Գարի Ի. Սթիվենսոնը կիսվում է մի երիտասարդի պատմությամբ, ով արդար քաջություն ցուցաբերեց՝ բախվելով գայթակղության:

Երեց Դեյվիդ Ա. Բեդնար

«Որպեսզի մենք Նրա Հոգին միշտ մեզ հետ ունենանք» (Ensign կամ Լիահոնա, մայիս 2006, 28–31-ի) իր ելույթում Տասներկու Առաքյալների Քվորումից երեց Դեյվիդ Ա. Բեդնարը զգուշացրել է այն բաների մասին, որոնք կարող են բաժանել մեզ Սուրբ Հոգուց (time code 4:40–7:24):

Որտեղի՞ց կարող եմ ավելին սովորել այն մասին, թե ինչպես ունենալ երջանիկ կյանք ամբարիշտ աշխարհում:

Երեց Ռիչարդ Գ. Սքոթ

Իր ելույթում՝ «Ինչպես լավ ապրել աճող չարիքի մեջ» (Ensign կամ Լիահոնա, May 2004, 100–102), Տասներկու Առաքյալների Քվորումից երեց Ռիչարդ Գ. Սքոթը քննարկել է, թե Հիսուս Քրիստոսի վրա կենտրոնանալն ինչպես է հնարավոր դարձնում, որ Փրկիչը ձեզ համար ապահովի «հարուստ և լիարժեք կյանք՝ անկախ նրանից, թե ինչ է տեղի ունենում ձեզ շրջապատող աշխարհում» (101):