Դաս 6․ Դասարանի նախապատրաստական նյութ

Հիսուս Քրիստոսի անսահման քավությունը

Ի՞նչ զգացումներ և մտքեր եք ունենում, երբ խորհում եք Գեթսեմանիի պարտեզում և խաչի վրա Փրկիչի կրած տառապանքների մասին: Ինչպես նախագահ Նելսոնն է ուսուցանել. «Մորմոնի Գիրքը տրամադրում է Հիսուս Քրիստոսի Քավության մասին ամենաամբողջական և ամենահեղինակավոր հասկացողությունը, որը երբևէ եղել է մինչ այդ» («Մորմոնի Գիրքը. Ինչպիսի՞ն կլիներ ձեր կյանքն առանց նրա» Լիահոնա, նոյեմբեր 2017, 62): Երբ ուսումնասիրում եք, թե ինչ է ուսուցանում Մորմոնի Գիրքը Հիսուս Քրիստոսի և Նրա Քավության մասին, մտածեք, թե Նա ինչպես է փրկել ձեզ Անկման հետևանքներից և հնարավոր դարձրել, որ դուք ավելի նմանվեք Նրան և մեր Երկնային Հորը:

Բաժին 1

Ես ինչո՞ւ պետք է խանդավառությամբ ընդունեմ Հիսուս Քրիստոսի Քավությունը։

Մ.թ.ա. մոտ 74 թվին Ալմա մարգարեն առաքելության է ուղևորվում զորամացիների մոտ, ովքեր երկրպագության ապականված ձև ունեին և սովորեցնում էին, որ «Քրիստոս չպետք է լինի» (Ալմա 31.16): Երբ Ալման և Ամուղեկը քարոզում էին աղքատ զորամացիների մի խմբի, ովքեր վտարվել էին իրենց երկրպագության վայրերից, նրանք նրանց սովորեցնում էին` ինչպես երկրպագել Աստծուն և համարձակ վկայում էին, որ Քրիստոսը կգա և կկատարի անսահման Քավություն:

Սուրբ գրություններից և ժամանակակից հայտնությունից մենք գիտենք, որ «[Հիսուս Քրիստոսի] Քավությունը ներառում էր մարդկության մեղքերի համար Նրա տառապանքը, Նրա արյան հեղումը, Նրա մահը և գերեզմանից հետո հարությունը» (Սուրբ գրքերի ուղեցույց, «Քավել, Քավություն», scriptures.ChurchofJesusChrist.org):

Ուսումնասիրեք դասին նախապատրաստվելիս

Կարդացեք Ալմա 34.8–10-ը՝ փնտրելով, թե ինչ է ուսուցանել Ամուղեկը Հիսուս Քրիստոսի Քավության անհրաժեշտության մասին:

Նախագահ Ռասսել Մ. Նելսոնը ուսուցանել է հետևյալը Փրկիչի անսահման Քավության մասին:

[Հիսուս Քրիստոսի] Քավությունն անսահման է` առանց վերջի: Այն նաև անսահման էր այն առումով, որ ողջ մարդկությունը կարող էր փրկվել անվերջանալի մահից: Այն անսահման էր Նրա ահռելի տառապանքի առումով: Այն անսահման էր ժամանակի առումով, վերջ դնելով կենդանիների զոհաբերության նախատիպին: Այն անսահման էր գործունեության շրջանակով. այն պետք է կատարվեր մեկ անգամ՝ բոլորի համար: Եվ Քավության ողորմածությունը տարածվում է ոչ միայն անսահման քանակությամբ մարդկանց վրա, այլև Նրա կողմից ստեղծված անթիվ աշխարհների վրա: Այն անսահման էր՝ վեր մարդկային ցանկացած չափման սանդղակից կամ մահկանացուի հասկացողությունից:

Հիսուսը միակն էր, ով կարող էր առաջարկել այսպիսի անսահման քավություն, քանի որ Նա ծնվել էր մահկանացու մորից և անմահ Հորից: Այդ յուրօրինակ ծնունդի պատճառով Հիսուսն անսահման Էակ էր: («Քավությունը», Ensign, Nov. 1996, 35)

Հակոբ մարգարեն նաև մի հզոր քարոզ ասաց, որում անդրադարձավ Տիրոջ անսահման Քավության մեր կարիքին, և թե ինչպես է Հիսուս Քրիստոսը ազատում մեզ Անկման և մեր մեղքերի հետևանքներից:

Ուսումնասիրեք դասին նախապատրաստվելիս

Ուսումնասիրեք 2 Նեփի 9.6–10, 19–22-ը՝ փնտրելով, թե ինչ կկատարվեր առանց Փրկիչի անսահման Քավության:

Մենք կարող ենք լիակատար վստահություն ունենալ, որ Փրկիչի անսահման Քավության միջոցով մենք կարող ենք ապաշխարել մեր մեղքերի համար և մաքրվել: Նախագահ Թադ Ռ. Քալիստերը՝ Կիրակնօրյա դպրոցի նախկին գերագույն նախագահը, տվել է հետևյալ նախազգուշացումը Տիրոջ Քավության վրա սահմանափակումներ դնելու վերաբերյալ.

Երբեմն ես հանդիպել եմ լավ սրբերի, ովքեր դժվարություն ունեին իրենց ներելիս, ովքեր պարզամտորեն, բայց սխալմամբ սահմաններ էին դրել Փրկիչի փրկագնող զորությունների վրա: Ակամայից, նրանք անսահման Քավությունը դարձրել են սահմանափակ, որը ինչ-որ ձևով չի գործում իրենց որոշակի մեղքի կամ թուլության պատճառով: Բայց սա անսահման Քավություն է, որովհետև այն ընդգրկում է և սահմանագծում է ամեն մեղք և թուլություն, ինչպես նաև ուրիշների կողմից ձեզ պատճառված ամեն վիրավորանք կամ ցավ: («Հիսուս Քրիստոսի Քավությունը», Լիահոնա, մայիս 2019, 85–86)

Խորհեք դասին նախապատրաստվելիս

Իմանալով, որ Փրկիչի Քավությունն անսահման է, ինչպե՞ս եք հասկանում և վերաբերվում ձեր սեփական մաքառումներին և մտահոգություններին: Դուք իսկապես հավատո՞ւմ եք, որ Հիսուս Քրիստոսի անսահման Քավությունը կարող է օգնել և փրկել ձեզ:

Բաժին 2

Հիսուս Քրիստոսի Քավությունն ինչպե՞ս կարող է օգնել ինձ հաղթահարել բնական մարդուն։

Երբ Բենիամին թագավորը մոտեցավ իր կյանքի մայրամուտին, նա հզոր Քրիստոսակենտրոն քարոզ կարդաց իր ժողովրդին: Այս քարոզի ընթացքում նա պատմեց այն, ինչ հրեշտակն ուսուցանել էր իրեն Հիսուս Քրիստոսի ծառայության և Քավության մասին: Նա ուսուցանեց, որ միայն Տիրոջ Քավության միջոցով մենք կարող ենք հաղթահարել մեր բնական կամ մեղսավոր բնույթը:

Ուսումնասիրեք դասին նախապատրաստվելիս

Կարդացեք Մոսիա 3.19-ը՝ փնտրելով, թե ինչ կարող եք անել բնական մարդուն հաղթահարելու համար:

Տասներկու Առաքյալների Քվորումից Երեց Ա. Բեդնարը հատևյալ գաղափարներն է տվել բնական տղամարդու կամ կնոջ մասին.

Ինչ-որ չափով Բենիամին թագավորի նկարագրած բնական մարդը կենդանի է և առողջ յուրաքանչյուրիս մեջ (տես Մոսիա 3.19). Բնական տղամարդը կամ կինը չի ապաշխարում, մարմնավոր է և զգայական (տես Մոսիա 16.5, Ալմա 42.10, Մովսես 5.13), ներողամիտ և ծայրահեղակա է, չափազանց հպարտ և եսասեր է: Ինչպես ուսուցանել է Նախագահ Սպենսեր Վ. Քիմբալը. «Բնական մարդը հողեղեն մարդն է», որը թույլ է տվել, որ կոպիտ կենդանական կրքերը ստվերեն իր հոգևոր հակումները» (“Ocean Currents and Family Influences,” Ensign, Nov. 1974, 112):

Այսպիսով, մահկանացու կյանքի ստուգարքի ճշգրիտ բնույթը կարելի է ամփոփել հետևյալ հարցի մեջ․ Արդյո՞ք ես կարձագանքեմ բնական մարդու հակումներին, թե՞ ես կենթարկվեմ Սուրբ Հոգու հորդորներին և կհանեմ բնական մարդուն ու կդառնամ սուրբ՝ Տեր Քրիստոսի Քավությամբ (տես Մովսես 3․19): Դա ստուգարքն է: Բնական մարդու ամեն ախորժակ, ցանկություն, հակում և մղում կարելի է հաղթահարել Հիսուս Քրիստոսի Քավության շնորհիվ և դրա միջոցով։ Մենք այստեղ՝ երկրի վրա, որպեսզի զարգացնենք աստվածանման հատկանիշներ և սանձենք մարմնական բոլոր կրքերը»: («Մենք հավատում ենք մաքրաբարո լինելուն», Լիահոնա, մայիս 2013, 42, 43)

Խորհեք դասին նախապատրաստվելիս

Երբևէ զգացե՞լ եք, որ չեք կարողացել վերահսկել կամ հաղթահարել բնական տղամարդու կամ կնոջ ախորժակն ու ազդակները: Ինչպե՞ս կարող են Մոսիա 3.19-ի ուսմունքները ձեզ հույս տալ, որ կարող եք ճիշտ փոփոխություններ կատարել և ավելի շատ նմանվել Փրկիչին:

Ցանկանո՞ւմ եք ավելին։ (Ոչ պարտադիր)

Որտեղի՞ց կարող եմ ավելին սովորել այն մասին, թե ինչ է ուսուցանում Մորմոնի Գիրքը Հիսուս Քրիստոսի Քավության մասին:

«Հիսուս Քրիստոսը և Քավությունը Մորմոնի Գրքում» (2:25) տեսանյութում Նախագահ Ռասսել Մ. Նելսոնը բացատրում է, որ Մորմոնի Գիրքը պարունակում է բազմաթիվ ուսմունքներ Հիսուս Քրիստոսի և Նրա Քավության մասին:

Բացի վերը նշված հատվածներից, հետևյալ հատվածները ևս նշում են Հիսուս Քրիստոսի Քավության վերաբերյալ Մորմոնի Գրքի ուսմունքների խորությունն ու ընդարձակությունը. 2 Նեփի 2.6–8, Մոսիա 3.5–11, 15.7–9, Ալմա 7.11–13, 42.12–26, Հելաման 14.15–19, Մորոնի 8.8–12:

Որո՞նք են Հիսուս Քրիստոսի Քավության օրհնությունները։

Հիսուս Քրիստոսի Քավությունը» (Ensign, Mar. 2008, 32–38) հոդվածում Տասներկու Առաքյալների Քվորումից երեց Ջեֆրի Ռ. Հոլլանդը բացատրում է, որ Տիրոջ Քավության որոշ օրհնություններ անվճար տրվում են բոլորին, մինչդեռ մյուս օրհնությունները պայմանական են և հիմնված են պատվիրաններին մեր հնազանդվելու վրա:

Ես ի՞նչ կարող եմ անել, որպեսզի հաղթահարեմ բնական տղամարդուն կամ կնոջը:

«Հաղթենք բնական մարդու դեմ տարվող պայքարում» (Ensign, Dec. 2018, 64–69) երեց Կարլ Բ. Քուքը Յոթանասունի Քվորումից առաջարկներ է տալիս այն մասին, թե ինչպես կարող ենք բարձրացնել բնական տղամարդուն կամ կնոջը հաղթահարելու մեր կարողությունը և սրբեր դառնալ «Քրիստոսի Տիրոջ քավության միջոցով» (Մոսիա 3.19):