Leksiyon 21 Materyal sa Pagpangandam sa Klase

Pag-amuma sa mga Anak diha sa Gugma

Ang pagkahimong ginikanan dili sayon. Hinoon, wala kita mag-inusara. Samtang nagserbisyo isip usa ka sakop sa Seventy, si Elder Bradley D. Foster mitudlo, “Ang atong Langitnong Amahan nagtinguha gay[o]d sa atong kalamp[o]san, hinoon, sila Iyang mga anak sa wala pa sila maato” (“Walay Sayo ra Gay[o]d Kaayo ug Walay Ulahi na Gay[o]d Kaayo,” Liahona, Nob. 2015, 51). Samtang magtuon ka niini nga leksiyon, ikonsiderar kon sa unsang paagi nga makasunod ka sa ehemplo sa Langitnong Amahan diha sa paagi sa imong pagpadako sa imong mga anak karon o sa umaabot.

Seksiyon 1

Unsaon nako sa pag-amuma ang akong mga anak diha sa gugma?

Ang mga propeta sa ulahing mga adlaw namahayag, “Ang mga ginikanan adunay sagrado nga katungdanan sa pag-amuma sa ilang mga anak sa paghigugma” (“Ang Pamilya: Usa ka Pamahayag ngadto sa Kalib[o]tan,” ChurchofJesusChrist.org). Si Presidente Dieter F. Uchtdorf, nga nianang higayona sakop sa Unang Kapangulohan, misugyot og usa ka paagi nga ang mga ginikanan makatuman niining responsibilidad:

Sa mga relasyon sa pamilya ang gugma sa tinuoray gi-espelling nga o-r-a-s, oras. Ang paggahin og oras sa usag usa mao ang yawe alang sa panag-uyon diha sa panimalay. (“Kabahin sa mga Butang nga Labing Mahinungdanon,” Liahona, Nob. 2010, 22)

Ang mga ginikanan ug mga anak makagahin og makahuloganong panahon sa usag usa sa daghang paagi. Samtang nagserbisyo diha sa Kinatibuk-ang Kapangulohan sa Young Women, si Presidente Susan W. Tanner mitudlo:

Ang usa ka mahigugmaong pakigrelasyon nanginahanglan og makanunayon ug walay hunong nga pakigsulti, pakigdula, pakigkatawa, ug mga higayon sa pagtrabaho. Ako … nagtuo nga ang mga ginikanan ug mga anak kinahanglang moapil sa matag adlaw, ordinaryo nga mga kasinatian sa usag usa. (“Nasultihan Ko ba Ikaw … ?,” Liahona, Mayo 2003, 74–75)

Bisan kon mas sayon alang sa mga ginikanan nga sila mismo ang mohimo sa trabaho, “ang pagtinabangay sa pagtrabaho” makahatag og nindot nga mga oportunidad sa mga ginikanan ug sa mga anak nga magkaistoryahanay. Ang pagtinabangay makatabang usab sa mga ginikanan sa pagtudlo sa ilang mga anak bahin sa bili sa pagtrabaho ug paglikay sa pagkatapolan (tan-awa sa Doktrina ug mga Pakigsaad 68:31).

Si Presidente Uchtdorf mipakigbahin og laing mga paagi nga ang mga ginikanan makagahin og panahon sa ilang mga anak:

Tungod kay “walay laing kalamp[o]san ang makahulip sa kapakyasan” [J. E. McCulloch, Home: The Savior of Civilization (1924), 42] [sulod sa atong mga pamilya], kinahanglan gayod nga atong hatagan og taas nga prayoridad ang atong mga pamilya. Magtukod kita og lig-on ug mahigugmaong relasyon sa pamilya pinaagi sa pagtinabangay og himo og yano nga mga butang, sama sa pamilya nga pagpangaon ug family home evening ug manag-uban nga maglingaw-lingaw lang. (“Kabahin sa mga Butang nga Labing Mahinungdanon,” 21–22)

Sama sa mga pahinumdom ni Presidente Uchtdorf, ang paghimo og maayo nga mga kalihokan sa paglingaw-lingaw makatampo og malamposon nga mga relasyon sa pamilya (tan-awa usab sa “Ang Pamilya: Usa ka Pamahayag ngadto sa Kalib[o]tan”). Kini nga mga kasinatian makatabang sa “pagmugna og makahul[o]ganon nga bugkos sa panimalay nga mohatag sa … mga anak og ilhanan nga mas lig-on pa kay sa ilang makit-an sa ilang kaedad o sa eskwelahan o sa bisan asa man” (M. Russell Ballard, “Ang Pinakamahinungdanon Mao ang Molungtad og Dugay,” Liahona, Nob. 2005, 43).

Si Presidente Dallin H. Oaks sa Unang Kapangulohan mitudlo og mga baroganan nga makagiya sa mga ginikanan sa pagpili og mga kalihokan nga buhaton uban sa ilang mga anak:

Sa pagpili unsaon paggamit sa panahon alang sa pamilya, kinahanglan kitang magmatngon nga dili mahurot ang atong oras sa mga butang nga maayo lamang ug mohatag og gamay nga oras alang niana nga mas maayo o labing maayo. Usa ka higala midala sa iyang batan-ong sakop sa pamilya sa daghang mga biyahe sa ting-init nga bakasyon lakip sa pagbisita sa halandumon nga makasaysayanong mga dapit. Sa katap[o]san sa ting-init gipangutana niya ang iyang tin-edyer nga lalaking anak hain niining maayo nga kalihokan sa ting-init ang iyang labing nagustohan. Nakakat-on ang amahan sa tubag, ug mao usab kadtong iyang gisultihan kabahin niini. “Ang butang nga akong labing nagustohan sa ting-init” mitubag ang bata, “mao ang gabii nga ikaw ug ako naghigda sa nataran ug nanan-aw sa mga bitoon ug nag-istoryahanay.” Ang super nga mga kalihokan sa pamilya mahimong maayo alang sa mga bata, apan dili kini kanunay nga mas maayo kay sa tinagsa nga oras sa kada bata uban sa mahigugmaong ginikanan. (“Maayo, Mas Maayo, Labing Maayo,” Liahona, Nob. 2007, 105)

Pamalandong agi og Pagpangandam alang sa Klase

Unsa ang pipila ka paagi nga nakita nimo sa imong mga ginikanan o sa mga ginikanan sa imong kaila nga sila miamuma sa ilang mga anak diha sa gugma? Unsa nga mga matang sa mga kalihokan ang gusto nimong buhaton uban sa imong mga anak sa umaabot?

Seksiyon 2

Unsaon nako sa pagdisiplina ang akong mga anak sa mahigugmaong paagi?

Ang usa ka mahagitong bahin sa pagkaginikanan mao ang pagdisiplina sa imong mga anak. Niining dapita, makakat-on kita gikan sa Ginoo, kinsa mipakita kon unsaon pagdisiplina inubanan sa gugma. Pananglitan, sa dihang gilangay sa nag-unang mga miyembro sa Simbahan ang pagtukod sa Templo sa Kirtland, Siya mipanton nila. (Pahinumdom: Ang pagpanton nagpasabot nga pagdisiplina o pagkorihir.)

Pagtuon agi og Pagpangandam alang sa Klase

Basaha ang Doktrina ug mga Pakigsaad 95:1, nga mangita kon ngano nga ang Ginoo mopanton sa Iyang mga sumusunod.

Hunahunaa kon sa unsang paagi nga ang mosunod nga tambag ni Presidente Tanner makatabang sa mga ginikanan sa pagdisiplina sa ilang mga anak sa Kristohanon nga paagi.

Usahay ang pagdisiplina, nga nangahulugan og “pagtudlo,” masaypan nga pagsaway. Ang mga bata—ingon man usab ang mga tawo sa tanang pang[e]daron—momaayo ang kinaiya tungod sa gugma ug pagdasig kay sa pagpanaway. (“Nasultihan Ko ba Ikaw … ?,” 74)

Si Elder D. Todd Christofferson sa Korum sa Napulog Duha ka Apostoles mitambag sa mga ginikanan nga mag-amping sa paagi sa ilang pagdisiplina. (Pahinumdom: Bisan kon namulong siya ngadto sa mga amahan, ang iyang tambag magamit usab ngadto sa mga inahan.)

Kinahanglang mag-amping ang usa ka amahan sa pagdisiplina basin unya og mahimo na nga pag-abuso, nga dili gay[o]d makatarunganon. Kon mokorihir man ang usa ka amahan, kinahanglan nga ang gugma maoy nagdasig ug ang Espiritu Santo maoy iya nga giya:

“Pagpanton sa tukma nga panahon uban ang tuman nga kahigpit, kon gidasig sa Espiritu Santo; ug dayon mopakita pagkahuman og dugang nga paghigugma ngadto kaniya kinsa inyong gipanton, basin pa unya siya moisip kanimo nga iyang kaaway;

“Nga siya masay[o]d nga ang inyong pagkamatinud-anon labaw pa nga malig-on kay sa mga higot sa kamatayon” [Doktrina ug mga Pakigsaad 121:43–44].

Ang pagdisiplina sig[o]n sa balaang sumbanan wala kaayo maghisgot sa pagsilot kay sa pagtabang sa usa ka minahal sa pagkontrolar sa kaugalingon. (“Mga Amahan,” Liahona, Mayo 2016, 95)

Sa pagtabang sa mga anak nga makakat-on ug makorihian sa ilang dili maayo nga pamatasan, ang mga ginikanan kinahanglang mag-establisar og makataronganon nga mga sangpotanan sa mga binuhatan. Ang mga ginikanan kinahanglan gayod nga mag-amping nga dili mapadayon ang gibuhat nga mga pagdisiplina nga tingali maoy naandan sa ilang kultura o mga pamilya apan wala mahiuyon sa mga pagtulon-an sa Ginoo.

Si Presidente Russell M. Nelson mihatag og dugang nga tambag:

Kon ang usa ka bata kinahanglan nga korihian, mahimo kamong mangutana sa inyong kaugalingon, “Unsay akong masulti ug mabuhat nga makapaagni kaniya sa pagpili sa mas maayong paagi?” Kon mohatag og gikinahanglan nga pagkorihir, buhata kini sa hil[o]m, sa pribado, sa mahigugmaon nga paagi, ug dili diha sa daghan. Kon ang pagpanton gikinahanglan, pakita og dugang paghigugma sa daling panahon aron walay pagbati sa panagsumpaki tali kaninyo. Aron mahimong maagnihon, ang inyong gugma kinahanglang sinsero ug ang inyong mga pagtudlo gibase sa balaanong doktrina ug sakto nga mga bar[o]ganan. (“Kaluwasan ug Kahimayaan,” Liahona, Mayo 2008, 9–10)

Pamalandong agi og Pagpangandam alang sa Klase

Paghunahuna og mga higayon nga gikorihian ka sa Ginoo o ang Espiritu Santo miaghat nimo nga mag-usab sa ubang paagi. Unsay imong makat-onan mahitungod sa pagdisiplina sa mga anak gikan niana nga mga kasinatian?

Seksiyon 3

Sa unsang paagi nga makatudlo ko sa akong mga anak sa paghigugma ug pagserbisyo sa usag usa?

Ang mga lider sa Simbahan sa atong panahon karon mipamatuod pag-usab nga “ang mga ginikanan adunay sagrado nga katungdanan … sa pagtudlo [sa ilang mga anak] sa paghigugma ug pag-alagad sa usag usa” (“Ang Pamilya: Usa ka Pamahayag ngadto sa Kalib[o]tan”). Samtang nagserbisyo diha sa Kinatibuk-ang Kapangulohan sa Young Women, si Presidente Bonnie L. Oscarson mihatag sa mosunod nga tambag mahitungod sa paghigugma ug pagserbisyo sa mga sakop sa atong pamilya:

Sugdi ang inyong pagserbisyo sa inyong kaugalingong mga panimalay ug sulod sa inyong kaugalingong mga pamilya. Mao kini ang mga relasyon nga mahimong mahangt[o]ron. Gani—ug tingali ilabi na kon—ang sitwasyon sa imong pamilya dili kaayo perpekto, makapangita ka og mga paagi sa pagserbisyo, pagbayaw, ug paglig-on. Sugdi kon asa ka karon, higugmaa sila bisan pa man, ug pangandam alang sa pamilya nga gusto nimong ikauban sa umaab[o]t. (“Ang mga Panginahanglan nga Atong Giatubang,” Liahona, Nob. 2017, 27)

Si Satanas nagtinguha sa pagbalda sa gugma ug pagserbisyo nga mahimong masinati sa mga sakop sa pamilya diha sa ilang panimalay. Ang usa ka paagi nga iyang himoon mao ang pag-awhag og panagbingkil.

Pagtuon agi og Pagpangandam alang sa Klase

Basaha ang 3 Nephi 11:29–30, ug hunahunaa kon sa unsang paagi nga ang mga pagtulon-an sa Manluluwas ngadto sa mga Nephite mahimong magamit sa mga pamilya.

Pagtuon agi og Pagpangandam alang sa Klase

Si Hari Benjamin mitudlo sa mga ginikanan sa iyang panahon kon unsaon nila pagtabang ang ilang mga anak nga makakat-on sa pagpuyo ug pakighinabi uban sa mga sakop sa ilang pamilya. Basaha ang Mosiah 4:14–15, nga mangita sa tambag ni Hari Benjamin ngadto sa mga ginikanan.

Irekord ang Inyong mga Hunahuna

Si Presidente Henry B. Eyring sa Unang Kapangulohan mitudlo, “ [Si Jesus] mitanyag kanato sa pamilya isip usa ka ehemplo sa sulundon nga kahimtang diin mahimo kitang makakat-on kon unsaon sa paghigugma sama sa Iyang paghigugma” (“Ang Atong Hingpit nga Ehemplo,” Liahona, Nob. 2009, 71). Paghunahuna og usa ka higayon nga ang Manluluwas mahigugmaong miserbisyo og usa ka tawo. Isulat kon sa unsang paagi nga ikaw makahimo sa paghigugma ug pagserbisyo sa usa ka sakop sa pamilya niini o sa laing Kristohanon nga paagi. Pag-andam sa pagpaambit sa imong mga hunahuna diha sa klase.

Gusto pa og Dugang? (Opsiyonal)

Unsa ang pipila sa dugang nga mga paagi nga ang mga ginikanan makapakita og gugma ngadto sa ilang mga anak ug makigsuod nila?

Sa pakigpulong nga “Ang Atong Katungdanan ngadto sa Dios: Ang Misyon sa mga Ginikanan ug mga Lider ngadto sa Bag-o nga Kaliwatan,” (Liahona, Mayo 2010, 95–98), si Elder Robert D. Hales sa Korum sa Napulog Duha ka Apostoles mipaambit og mga paagi aron mas maayo ang paghigugma ug pagserbisyo diha sa atong mga pamilya.

Ikonsiderar ang pagbasa sa artikulo nga “Pagkaginikanan, Dili Magpalinga sa Elektronik nga mga Butang” (Liahona, Hunyo 2014, 63), nga nag-awhag sa mga ginikanan sa pagpadaplin usahay sa ilang elektronik nga mga butang aron mas makigsuod sa ilang mga anak.