Ol Yut
Fasin blong Jus mo Stap Akaontebol

Fasin blong Jus mo Stap Akaontebol

Be naoia yufala i mas jusumaot wanem god we yufala i wantem; … Be mi, wetem ol famle blong mi, bambae mifala i biaen long Hae God nomo (Josua 24:15).

Bae mi jusum gud be i no ol rabis samting, mo bae mi akseptem ol responsabiliti blong ol desisen blong mi.

Ol Valiu Eksperiens we Yu Mas Mekem

Komplitim ol tri valiu eksperiens we yu mas mekem. Mekem papa, mama o wan lida blong yu i saenem mo i putum deit long wanwan long ol eksperiens ia afta we yu finisim olgeta.

  1. Wan gel blong God i save mekem ol waes desisen mo stretem ol problem. Ridim 1 Nifae 15:8; 2 Nifae 32:3; Alma 34:19–27; Ita 2–3; mo Doctrine and Covenants 9:7–9. Folem wan paten blong stadi long skripja mo prea oltaem blong kasem help blong mekem ol desisen blong yuwan olsem blong jusum ol gudfala fren, stap kaen long ol narawan, girap long taem long moning, o ol narafala desisen. Toktok raon wetem papa, mama o wan lida olsem wanem nao stadi mo prea evri dei i bin helpem yu blong mekem ol stret desisen.

  2. Ridim pamflet ia Blong Ol Yut Oli Kam Strong. Listim insaed long jenol blong yu wanwan standet blong ol fasin we i stret mo gud we pamflet ia i tokbaot, mo rekodem from wanem nao hem i impoten blong laef folem ol standet ia. Praktis blong laef folem ol standet ia we oli stret mo gud taem yu jusum tri standet we yu nidim blong kam antap long olgeta. Ating bae yu jusum blong yu mekem stret joes moa long saed blong televisen, miusik, ol buk, o ol nara tul blong media, o ating bae yu wantem kam antap moa long saed blong fasin blong yu blong dresap, toktok, o fasin blong stap ones. Afta tri (3) wik, serem wetem famle blong yu, wetem klas blong yu o wetem wan lida blong yu, progres blong yu long ol samting we yu bin mekem.

  3. Fridom blong jusum, o paoa blong save mekem joes, hem i wan long ol bigfala presen blong God long ol pikinini blong Hem. Ridim abaot fridom blong jus long Josua 24:15; 2 Nifae 2; mo Doctrine and Covenants 82:2–10. Tokbaot ol blesing mo ol responsabiliti blong fridom blong jusum wetem papa, mama o wan lida blong yu. Rekodem long jenol blong yu olsem wanem nao yu andastanem fridom blong jusum mo wanem nao i kamaot long ol joes mo aksen we yu mekem.

Sam Moa Valiu Eksperiens

Komplitim tri moa valiu eksperiens. Yu save jusum folem ol tingting we i stap ia o raetem tu (2) blong yuwan nomo. Papa, mama o wan lida blong yu i mas givim raet blong yu wok long ol eksperiens ia we yuwan yu raetem bifo yu save stat blong wok long olgeta. Mekem papa, mama o wan lida blong yu i saenem mo i putum deit long wanwan long ol eksperiens ia afta we yu finisim olgeta.

  1. Ridim abaot fasin blong sakem sin insaed long Aesea 1:18; Alma 26:22; 34:30–35; Moronae 8:25–26; mo Doctrine and Covenants 19:15–20; 58:42–43. Rekodem insaed long jenol blong yu wanem nao fasin blong sakem sin i minim long yu. Stadi long rod blong fasin blong sakem sin, prea from givhan, mo yusum ol prinsipol blong fasin blong sakem sin long laef blong yu.

  2. Tabu Spirit bae i helpem yu blong mekem ol stret joes. Wetem wan papa o mama, lida, o wan fren, lanem moa abaot Tabu Spirit taem yu rid mo toktok raon long Esikel 36:26–27; Jon 14:26; 16:13; Galesia 5:22–25; 2 Nifae 32:5; Moronae 10:4–5; mo Doctrine and Covenants 11:12–14. Afta rekodem long jenol blong yu olsem wanem Tabu Spirit i save helpem yu blong mekem ol gudfala desisen long laef blong yu. Prea from mo laef klin inaf blong save gat kompanionsip blong Tabu Spirit oltaem.

  3. Stadi long Stamba Toktok blong Ol Yang Woman mo wanem nao hem i tijim yu abaot huia yu, wanem nao yu mas mekem, mo from wanem nao yu mas mekem. Listim long jenol blong yu wanem nao bae yu mekem evri dei long saed blong fasin blong dresap gud, deiting, mo long media blong stap klin long tingting mo klin inaf blong go insaed long tempol. Rekodem long jenol blong yu olsem wanem ol joes ia bae oli helpem yu blong stap fri mo hapi.

  4. Blong stap mekem ol joes, hem i pat blong plan we Papa blong Heven i gat blong yumi. Ridim Moses 4:1–4; 7:32; and 2 Nephi 9:51. Mekem wan rod blong yusum mane blong yu long wan waes wei, taem yu mekem wan bajet blong sevem mo spendem mane blong yu, mo putum tu insaed peimen blong taeting. Spendem mane folem bajet blong yu blong tri manis. Setemap ol fas samting we i letem yu blong pem ol samting we oli moa impoten we yu nidim bifo yu pem ol samting we yu wantem. Rekodem insaed long jenol blong yu wanem yu bin lanem mo olsem wanem taem yu folem ol paten ia bae i gohed blong blesem laef blong yu.

Ol Valiu Eksperiens blong Miwan

Valiu Projek

Afta we yu komplitim ol sikis valiu eksperiens blong fasin blong jus mo stap akaontebol, mekem wan projek we bae i helpem yu blong praktisim wanem yu bin lanem. Hemia bae i wan impoten hadwok we bae i tekem yu samples ten aoa blong yu komplitim. Wetem prea, lukaotem Tabu Spirit blong i lidim yu blong jusum wan projek we i gat mining long hem.

Mekem papa, mama o wan lida i givim raet long projek blong yu bifo yu statem. Raetem wan evaluesen afta yu finis. I gat sam tingting blong wan valiu projek we i stap daon ia.

  • Yusum Blong Ol Yut Oli Kam Strong mo anda long daereksen blong papa o mama blong yu o ol lida blong yu, oganaesem o tekem pat insaed long wan grup toktok, so blong dresap wetem kaen klos mo mekem stael, o wan nara samting blong helpem yu mo ol nara yut blong laef folem ol standet blong Lod.

  • Anda long daereksen blong papa o mama blong yu o ol lida, help blong planem mo daerektem wan yut danis o wan nara aktiviti we i soemaot stret ol instraksen blong danis wetem gudfala miusik, laet mo ples.

  • Evaluetem olsem wanem yu yusum media mo teknoloji. Krietem mo stanemap wan plan blong kipim ol nogud media blong i no kam insaed long hom blong yu. Mekemsua se plan blong yu i leftemap tingting blong yusum televisen, ol muvi, miusik, ol kompiuta, intanet, ol mobael fon, mo ol nara tul blong media long wan stret fasin insaed long hom. Serem tingting blong yu wetem famle blong yu mo ol narawan.

  • Lanem ol besik fasin blong staelem klos mo riperem ol klos taem yu stretem ol klos blong yu i go wetem ol standet blong werem ol stret klos.

  • Jus blong putum gud ol samting insaed long hom blong yu taem yu komplitim wan projek blong klinim mo oganaesem hom blong yu. Rekodem insaed long jenol blong yu olsem wanem taem yu mekem samting ia i bin helpem yu long ol nara eria long laef blong yu.

Projek blong mi hem i:

Plan blong mi blong tekemaot projek ia hem i:

I givim raet

Deit we yu ting se bae yu komplitim projek

Evaluesen blong mi long projek ia hem i (putum olsem wanem yu bin filim, mo olsem wanem save blong yu abaot fasin blong jus mo stap akaontebol, i kam antap):

Papa, mama o lida i saen

Deit:

Ol aoa we mi spendem

Printim