Ang Jerusalem sa Panahon ni Jesus

Golgota Usa ka posible nga dapit sa paglansang sa krus ni Jesus (Mat. 27:33–37).

Tanaman nga Lubnganan Si Jesus gilubong (Juan 19:38–42). Ang nabanhaw nga Kristo mipakita ngadto ni Maria Magdalena diha sa tanaman (Juan 20:1–17).

Kota sa Antonia Si Jesus mahimo nga gipasanginlan, gihukman, gibiaybiay, ug gibunalan dinhi niini nga dapit (Juan 18:28–19:16). Si Pablo gidakop ug miasoy pag-usab sa sugilanon sa iyang pagkakabig (Buh. 21:31–22:21).

Tubigan sa Betsata Si Jesus miayo sa usa ka baldado sa adlaw nga Igpapahulay (Juan 5:2–9).

Templo Si Gabriel misaad kang Zacarias nga si Elisabet manganak og usa ka bata nga lalaki (Luc. 1:5–25). Ang tabil sa templo nagisi sa pagkamatay sa Manluluwas (Mat. 27:51).

Balkon ni Solomon Si Jesus mipahayag nga siya mao ang Anak sa Dios. Ang mga Judeo misulay sa pagbato kaniya (Juan 10:22–39). Si Pedro misangyaw sa paghinulsol human moayo sa usa ka bakol nga tawo (Buh. 3:11–26).

Pultahan nga Matahum Sila si Pedro ug Juan miayo sa usa ka bakol nga tawo (Buh. 3:1–10).

Kinatuktukan sa Templo Si Jesus gitintal ni Satanas (Mat. 4:5–7). (Adunay duha ka tradisyonal nga mga dapit alang niini nga panghitabo.)

Balaan nga Bungtod (dili piho nga mga dapit)

1. Ang tradisyon nagtuo nga dinhi si Abraham mitukod og usa ka altar alang sa pagsakripisyo kang Isaac (Gen. 22:9–14).

2. Si Solomon mitukod sa templo (1 Hari 6:1–10; 2 Cron. 3:1).

3. Ang mga taga-Babelonia milaglag sa templo sa mga 587 B.C. (2 Hari 25:8–9).

4. Si Zorobabel mitukod pag-usab sa templo sa mga 515 B.C. (Esd. 3:8–10; 5:2; 6:14–16).

5. Si Herodes mipalapad sa hawanan sa templo ug mitukod pag-usab sa templo sugod sa 17 B.C. Si Jesus gipaila isip usa ka gamay nga bata (Luc. 2:22–39).

6. Sa edad nga 12, si Jesus mitudlo didto sa templo (Luc. 2:41–50).

7. Gilimpyohan ni Jesus ang templo (Mat. 21:12–16; Juan 2:13–17).

8. Si Jesus mitudlo sa templo sa pipila ka mga higayon (Mat. 21:23–23:39; Juan 7:14–8:59).

9. Ang mga taga-Roma ubos ni Tito milaglag sa templo sa A.D. 70.

Tanaman sa Getsemani Si Jesus miantus, giluiban, ug gidakop (Mat. 26:36–46; Luc. 22:39–54).

Bungtod sa mga Oliba

1. Si Jesus mitagna sa pagkalaglag sa Jerusalem ug sa templo. Siya usab nagsulti sa Ikaduhang Pag-anhi (Mat. 24:3–25:46; tan-awa usab sa JS—M).

2. Gikan dinhi si Jesus misaka ngadto sa langit (Buh. 1:9–12).

3. Sa Oktubre 24, 1841, si Elder Orson Hyde mipahinungod sa Balaan nga Yuta alang sa pagbalik sa mga kaliwatan ni Abraham.

Tubod sa Gihon Si Solomon gidihogan nga hari (1 Hari 1:38–39). Si Ezechias adunay langub-agianan nga gikalot aron pagdala sa tubig gikan sa tubod paingon sa dakbayan (2 Cron. 32:30).

Ganghaan sa Tubig Si Esdras mibasa ug mihubad sa balaod ni Moises ngadto sa mga katawhan (Neh. 8:1–8).

Walog sa Hinom Ang mini nga dios nga Molech gisimba sa mga katawhan, diin naglakip og sakripisyo sa bata (2 Hari 23:10; 2 Cron. 28:3).

Balay ni Caifas Si Jesus gidala sa atubangan ni Caifas (Mat. 26:57–68). Si Pedro milimod nga siya nakaila ni Jesus (Mat. 26:69–75).

Lawak sa Itaas Ang tradisyonal nga dapit diin si Jesus mikaon sa pagkaon sa Pasko sa Pagpalabay ug mipasiugda sa sakramento (Mat. 26:20–30). Siya mihugas sa mga tiil sa Napulog Duha (Juan 13:4–17) ug mitudlo kanila (Juan 13:18–17:26).

Palasyo ni Herodes Si Kristo gidala sa atubangan ni Herodes, posible dinhi niini nga dapit (Luc. 23:7–11).

Jerusalem (dili piho nga mga dapit)

1. Si Melchizedek mimando isip hari sa Salem (Gen. 14:18).

2. Si Haring David mibuntog sa dakbayan gikan sa mga Jebusehanon (2 Sam. 5:7; 1 Cron. 11:4–7).

3. Ang dakbayan gilaglag sa mga taga-Babelonia sa gibanabana nga 587 B.C. (2 Hari 25:1–11).

4. Ang Espiritu Santo mikunsad sa daghan diha sa adlaw sa Pentecostes (Buh. 2:1–4).

5. Sila si Pedro ug Juan gidakop ug gidala sa atubangan sa konseho (Buh. 4:1–23).

6. Sila si Ananias ug Safira namakak ngadto sa Ginoo ug namatay (Buh. 5:1–10).

7. Sila si Pedro ug Juan gidakop, apan usa ka anghel miluwas kanila gikan sa bilanggoan (Buh. 5:17–20).

8. Ang mga Apostoles mipili og pito ka mga lalaki aron pagtabang kanila (Buh. 6:1–6).

9. Ang pagpamatuod ni Esteban ngadto sa mga Judeo gisalikway, ug siya gibato ngadto sa kamatayon (Buh. 6:8–7:60).

10. Si Santiago gimartir (Buh. 12:1–2).

11. Usa ka anghel miluwas ni Pedro gikan sa bilanggoan (Buh. 12:5–11).

12. Ang mga Apostoles mihukom sa isyu mahitungod sa pagtuli (Buh. 15:5–29).

13. Ang mga taga-Roma ubos ni Tito milaglag sa dakbayan sa A.D. 70.