29. Atenas
Kini nga hulagway nagpakita sa nagun-ob nga Parthenon sa Atenas. Ang Atenas mao ang karaang Griyego nga ulohan sa Attica ug sa mga panahon sa Bag-ong Tugon mao ang Romano nga probinsya sa Acaya. Kini ginganlan agi og pasidungog sa pagano nga Griyegong diosdios nga si Atena. Sa mga panahon sa Bag-ong Tugon, ang Atenas nawad-an sa kadaghanan sa iyang nangagi nga kabantugan ug kahimayaan, apan sa gihapon anaa ang mga estatwa ug mga monumento ngadto sa daghang mga diosdios ug mga diosa, lakip ang “dios nga wala hiilhi” (Buh. 17:23).
Mahinungdanon nga mga Hitabo: Ang Apostol Pablo miduaw sa dakbayan ug misangyaw sa Bungtod sa Marte, duol sa Parthenon (Buh. 17:15–34). Mga misyonaryo gipadala gikan sa Atenas ngadto sa laing mga bahin sa Gresya (1 Tes. 3:1–2).
29. Atenas Ang Parthenon, nga gihulagway dinhi, duol sa Bungtod sa Marte, diin misangyaw si Pablo sa iyang wali kabahin sa “dios nga wala hiilhi” (tan-awa sa Buh. 17:15–34).