1. Suba sa Nile ug Ehipto
Mga tanum nga nanubo buyon sa daplin sa Suba sa Nile. Unahan sa mga tanaman mao ang desierto nga hapit milukop sa tanang dapit sa Ehipto.
Mahinungdanon nga mga Hitabo: Ang yuta nakaplagan ni Ehiptus (Abr. 1:23–25). Si Abraham milakaw ngadto sa Ehipto (Gen. 12:10–20; Abr. 2:21–25). Si Jose gibaligya ngadto sa Ehipto, nahimo nga magmamando, ug miluwas sa iyang pamilya gikan sa kagutom (Gen. 37; 39–46). Ang mga kaliwat ni Jacob mipuyo didto sa Ehipto (Gen. 47; Ex. 1; 12:40). Ang anak nga babaye sa Paraon nakakita sa gamayng bata nga Moises diha sa suba ug mipadako kaniya (Ex. 2:1–10). Si Moises nangulo sa mga Israelita sa pagpahawa sa Ehipto (Ex. 3–14). Sila si Maria, Jose, ug si Jesus miadto sa Ehipto sa mubo nga panahon aron sa pag-ikyas gikan ni Herodes (Mat. 2:13–15, 19–21). Sa katapusang mga adlaw, ang mga Ehiptohanon makaila sa Ginoo, ug ang Ginoo mopanalangin sa Ehipto (Isa. 19:20–25). (Tan-awa sa Ang Giya ngadto sa mga Kasulatan, “Ehipto.”)
1. Suba sa Nile ug Ehipto Sa usa ka lugar nga sama niini, ang inahan ni Moises mitago sa iyang masuso nga anak nga lalaki. Ang anak nga babaye sa Paraon nakakita kaniya ug mipadako kaniya diha sa harianon nga mga hawanan sa Ehipto.