8. Jerusalem

Magtan-aw paingon sa amihanan. Diha sa sentro sa hulagway mao ang usa ka ampoanan sa Muslim uban sa gitabonan og bulawan nga simboryo, nga gitawag og Simboryo sa Bato. Ang mga Judeo sa karaan misimba diha sa mga templo nga nahimutang dinhi. Ang mga paril duol sa Simboryo sa Bato naglibut sa karaan nga dakbayan sa Jerusalem. Diha sa tuo sa paril mao ang Walog sa Cedron. Sa layo nga tuo mao ang Bungtod sa mga Oliba. Ngadto sa amihanan, lapas sa Simboryo sa Bato, mao ang posible nga nahimutangan sa Golgota, o Kalbaryo.

Mahinungdanon nga mga Hitabo: Ang Jerusalem gitawag og Salem sa kakaraanan (Sal. 76:2). Si Abraham mibayad sa ikapulo ngadto ni Melchizedek (Gen. 14:18–20). Si Abraham mianha aron pagsakripisyo ni Isaac (Gen. 22:2–14). Si Haring David mibihag sa Jerusalem gikan sa mga Jebusehanon (2 Sam. 5:4–9). Si Haring Solomon mitukod og templo (1 Hari 6–7). Si Lehi mibiya aron pag-adto sa yuta sa saad (1 Ne. 1:4; 2). Ang Manluluwas nangalagad, miula alang sa atong mga sala, ug nabanhaw (Mat. 21–28). Ingon sa gipanagna sa Manluluwas, ang Jerusalem nalaglag wala madugay human sa iyang kamatayon (JS—M 1:3–20). Ang Jerusalem pagasulngon sa katapusang mga adlaw (Ezeq. 38–39; Joel 2–3; Pin. 11; 16). Ang Manluluwas mopakita dinhi sa dili pa ang Ikaduhang Pag-anhi (Zac. 12–14; D&P 45:48–53). (Tan-awa sa Ang Giya ngadto sa mga Kasulatan, “Jerusalem,” “Salem.”)