Ang Exodo sa Israel Gikan sa Ehipto ug ang Pagsulod Ngadto sa Canaan

Ramses Ang Israel gipapahawa gikan sa Ehipto (Ex. 12; Num. 33:5).

Succoth Human ang mga Hebreohanon mibiya niining unang dapit nga gikampohan, ang Ginoo nag-uban kanila diha sa panganud sa adlaw ug diha sa haligi nga kalayo sa gabii (Ex. 13:20–22).

Pihahiroth Ang Israel miagi lahus sa Pulang Dagat (Ex. 14; Num. 33:8).

Mara Ang Ginoo miayo sa mga katubigan sa Mara (Ex. 15:23–26).

Elim Ang Israel mikampo sa 12 ka mga tubod (Ex. 15:27).

Kamingawan sa Sin Ang Ginoo mipadala og mana ug buntog aron pagpakaon sa Israel (Ex. 16).

Repidim Ang Israel nakig-away batok ni Amalek (Ex. 17:8–16).

Bukid sa Sinai (Bukid sa Horeb o Jebel Musa) Ang Ginoo mipadayag sa Napulo ka mga Sugo (Ex. 19–20).

Kamingawan sa Sinai Ang Israel mitukod sa tabernakulo (Ex. 25–30).

Mga Kampo sa Kamingawan Kapitoan ka mga anciano gitawag aron pagtabang ni Moises sa pagdumala sa mga katawhan (Num. 11:16–17).

Esion-geber Ang Israel miagi lahus sa mga kayutaan ni Esau ug Ammon nga malinawon (Deut. 2).

Cades-barnea Si Moises mipadala og mga espiya ngadto sa gisaad nga yuta; ang Israel misupak ug napakyas sa pagsulod sa yuta; ang Cades nahimo isip kinadak-an nga kampo sa Israel sulod sa daghang mga katuigan (Num. 13:1–3, 17–33; 14; 32:8; Deut. 2:14).

Silangan nga Kamingawan Ang Israel milikay sa pakig-away uban sa Edom ug Moab (Num. 20:14–21; 22–24).

Suba sa Arnon Ang Israel milaglag sa mga Amorehanon kinsa nakig-away batok kanila (Deut. 2:24–37).

Bungtod sa Nebo Si Moises nakakita sa gisaad nga yuta (Deut. 34:1–4). Si Moises mihatag sa iyang tulo ka katapusang mga wali (Deut. 1–32).

Mga Kapatagan sa Moab Ang Ginoo misulti sa Israel sa pagbahinbahin sa yuta ug sa pagpapahawa sa mga lumulupyo (Num. 33:50–56).

Suba sa Jordan Ang Israel mitabok sa Suba sa Jordan sa uga nga yuta. Duol sa Gilgal, mga bato gikan sa ilalom sa Suba sa Jordan gibutang isip timaan sa mga tubig sa Jordan nga gibahin (Jos. 3–5:1).

Jerico Ang mga katawhan sa Israel mibihag ug milaglag sa dakbayan (Jos. 6).