Mga Hulagway sa mga Dapit sa Kasulatan

Kini nga mga hulagway sa mahinungdanon nga mga dapit naghatag og panig-ingnan sa mga yuta diin si Jesus naglakaw, diin ang mga biblianhon nga mga propeta nagpuyo ug nagtudlo, ug diin daghan sa mga panghitabo sa kasulatan ang nahitabo. Aron pagtabang kanimo nga magamit og maayo ang mga hulagway diha sa imong pagtuon, usa ka mubo nga paghubit nag-uban sa matag hulagway. Ang numero ug ulohan sa paghubit ug ang numero ug ulohan sa hulagway managsama. Ang unang parapo nga nagsunod sa ulohan sa paghubit nagpasabut sa panahon, dapit, mga palibut sa hulagway, lakip ang mahinungdanon nga mga butang nga tan-awon ug sa kasagaran diin nga direksyon ang tighulagway nag-atubang. Mahinungdanon nga mga hitabo sa kasulatan gikan niana nga dapit gitala diha, uban sa mga pakisayran sa kasulatan aron ikaw masayud kon asa mobasa og dugang pa mahitungod niadtong mga hitabo.