6. Bungtod nga Nasud sa Judea
Ang kabungturan nga nasud sa Judea hapit 56 ka mga kilometro ang gitas-on ug 27 ka mga kilometro ang gilapdon. Kadaghanan sa yuta batoon ug malisud sa pag-ugmad. Ang mga bungtod nabahinbahin pinaagi sa mga walog diin ang yuta may pagkamabungahon. Ang nag-una nga mga Israelita mipuyo niini nga mga bungtod, migamit niini isip panalipod batok sa mga manunulong. Ang Jerusalem nahimutang niini nga dapit.
Mahinungdanon nga mga Hitabo: Ang Ginoo misaad niini nga yuta ngadto ni Abraham ug sa iyang kaliwatan (Gen. 13:14–18; 17:8). Sila si Sarah ug Abraham gilubong diha sa langub sa Machpelah, sa Hebron (Gen. 23:19; 25:9). Si David mibihag sa Jerusalem gikan sa mga Jebusehanon (2 Sam. 5:4–9). Daghan pa nga mga panghitabo sa Daang Tugon ang natala ingon nga nahitabo niini nga mga bungtod kay sa bisan diin nga laing mga rehiyon.
6. Bungtod nga Nasud sa Judea Sagalsalon nga talan-awon nga yuta nga sama niini nagtabon sa kadaghanan sa Balaan nga Yuta ngadto sa habagatan ug silangan sa Jerusalem.