4. Cades-barnea
Kini mao ang amihanang silangan nga talan-awon sa dakong walog nga desierto (gitawag usab nga usa ka uga nga walog) diin ang Cades-barnea nahimutang. Ang sapa nga nag-agos dinhi sa panahon sa ting-ulan nakahimo niini nga usa ka tubigan kaayo ug mabungahon nga lugar diha sa kamingawan sa Zin.
Mahinungdanon nga mga Hitabo: Kini malagmit mao ang lugar diin si Moises mipadala sa 12 ka mga tawo aron sa pagpaniid sa yuta sa Canaan (Num. 13:17–30). Kini gihimo nga sukaranan nga kampo alang sa mga Israelita sulod sa 38 sa ilang hapit 40 ka mga tuig nga paglaroylaroy sa kamingawan (Deut. 2:14). Si Miriam namatay ug gilubong dinhi (Num. 20:1). Kini mao ang dapit sa pagbatok ni Korah, ang pagbagulbol sa mga katawhan, ug ang pagpanalingsing sa sungkod ni Aaron (Num. 16–17). Duol dinhi si Moises mihampak sa bato ug ang tubig migawas (Num. 20:7–11).
4. Cades-Barnea Kini nga dapit, naila isip Cades-barnea, malagmit diin nagkampo ang mga Israelita sa panahon sa kadaghanan sa ilang 40 ka mga tuig didto sa kamingawan.