18. Dothan sa Samaria
Kini nga rehiyon sa Balaan nga Yuta nailhan sa mga tagaytay ug mga walog. Kini maayo nga sibsiban. Sa diha nga ang mga Israelita nanimuyo sa yuta, kini nga rehiyon gihatag ngadto ni Manases.
Mahinungdanon nga mga Hitabo: Sa Walog sa Dothan, si Jose gibaligya ngadto sa Ehipto (Gen. 37:12–28). Si Abdias miluwas og gatusan ka mga propeta pinaagi sa pagtago kanila sa mga langub sa diha nga si Jezabel misulay sa pagpatay sa mga propeta sa Israel (1 Hari 18:13). Ang kasundalohan sa Siria milibut ni Eliseo ug sa iyang sulugoon, kinsa giluwas sa Ginoo sa milagroso nga paagi (2 Hari 6:13–23).
18. Dothan sa Samaria Ngadto niining tabunok nga walog ang igsoon nga mga lalaki ni Jose mianhi aron pag-atiman sa mga kahayopan sa diha nga ilang gibaligya ang ilang igsoon nga lalaki ngadto sa mga negosyante nga mga Midiahanon ug mga Ismaelihanon.