3. Kamingawan sa Judea ug ang Patay nga Dagat

Magtan-aw ngadto sa habagatang silangan ibabaw sa kamingawan sa Judea. Makita diha sa likod sa talan-awon mao ang Patay nga Dagat.

Mahinungdanon nga mga Hitabo: Ang kamingawan sa Judea mao ang mahinungdanon nga dangpanan sa daghang mga higayon sa unang kasaysayan. Si David mitago gikan ni Haring Saul (1 Sam. 26:1–3). Si Jesus mipuasa og 40 ka mga adlaw ug 40 ka mga gabii (Mat. 4:1–11; Mar. 1:12–13). Si Jesus migamit sa agianan gikan sa Jerusalem ngadto sa Jericho lahus sa kamingawan sa Judea isip dapit alang sa sambingay sa maayo nga Samarianhon tungod kay ang nagbinugtong nga mga nagpanaw sayon nga mga biktima niana nga lugar (Luc. 10:25–37). (Tan-awa sa Ang Giya ngadto sa mga Kasulatan, “Patay nga Dagat.”)