19. Cesarea ug ang Kapatagan sa Sharon hangtud sa Carmel

Magtan-aw paingon sa amihanan tabok sa karaang pantalan sa barko sa Cesarea. Makita usab buyon sa ibabaw sa hulagway mao ang kabungturan sa Carmel.

Mahinungdanon nga mga Hitabo: Si Elijah nakig-atubang sa mini nga mga propeta ni Baal sa Bungtod sa Carmel (1 Hari 18). Ang Via Maris (Agianan sa Dagat), usa ka mahinungdanon nga dalan sa karaan nga mga panahon, nahimutang sa silangan sa Cesarea. Human sa usa ka talagsaon nga panan-awon samtang didto sa Joppe, si Pedro nagsugod sa pangalagad taliwala sa mga Hentil pinaagi sa pagtudlo sa usa ka Romano nga senturyon nga ginganlan og Cornelius didto sa Cesarea (Buh. 10). Si Felipe misangyaw ug mipuyo dinhi ug adunay upat ka anak nga mga babaye kinsa nanagna (Buh. 8:40; 21:8–9). Si Pablo usa ka binilanggo diha sa dakbayan sulod sa duha ka mga tuig (Buh. 23–26). Siya misangyaw ngadto nila ni Felix, Festo, ug Herodes Agripa II, kinsa miingon, “Nagahunahuna ka diay nga dali mo ra akong mahimong Kristohanon” (Buh. 26:28).