15. Jerico
Kini nga hulagway nagpakita sa mga tanum sa karon nga Jerico. Sa karaan kini usa ka giparil nga dakbayan diha sa walog sa Suba sa Jordan, 252 ka mga metros ubos sa nibel sa dagat. Kini usa ka buhong sa pang-agrikultura nga lugar diin ang mga datiles ug mga tanum nga naranghita milabung. Diha sa likod nga talan-awon mao ang tradisyonal nga Bukid sa Pagtintal (Mat. 4:1–11).
Mahinungdanon nga mga Hitabo: Duol niini nga dapit, si Josue ug ang mga kaliwatan sa Israel una nga milabang sa Suba sa Jordan, aron mosulod sa gisaad nga yuta (Jos. 2:1–3; 3:14–16). Ang Ginoo sa milagroso nga paagi mitumpag sa mga paril diha sa atubangan sa mga sundalo nga Israelita (Jos. 6; tan-awa usab sa Heb. 11:30). Si Josue mitunglo sa dakbayan (Jos. 6:26), diin natuman (1 Hari 16:34). Si Eliseo miayo sa mga katubigan sa Jerico (2 Hari 2:18–22). Ang Manluluwas miagi lahus dinhi sa iyang katapusang pagduaw sa Jerusalem, miayo sa buta nga si Bartimeo ug mipabilin uban ni Zaqueo, ang maniningil sa buhis (Mar. 10:46–52; Luc. 18:35–43; 19:1–10). Ang dalan paingon sa Jerico gikan sa Jerusalem gihisgutan diha sa sambingay sa maayong Samarianhon (Luc. 10:30–37).
15. Jerico Kini ang unang dakbayan nga gibihag ni Josue (tan-awa sa Jos. 6:2–20); ang Jerico usa sa labing karaan nga mga dakbayan sa kalibutan.