27. Nazaret

Kini nga talan-awon sa moderno nga dakbayan sa Nazaret kon tan-awon paingon sa habagatan. Ang Nazaret usa ka gamay nga balangay sa biblianhon nga mga panahon.

Mahinungdanon nga mga Hitabo: Si Nephi nakakita sa usa ka panan-awon sa inahan sa Manluluwas didto sa Nazaret (1 Ne. 11:13–22). Ang anghel Gabriel misulti ngadto ni Maria nga siya manganak sa Manluluwas (Luc. 1:26–35). Si Gabriel misulti kang Jose sa pagpangasawa kang Maria ug sa paghingalan sa iyang anak nga lalaki og Jesus (Mat. 1:18–25). Si Jesus nagdako diha sa Nazaret (Mat. 2:19–23; Luc. 2:4–40; 4:16). Siya misangyaw ug mipahayag diha sa sinagoga nga siya mao ang Mesiyas (Luc. 4:16–21), apan ang mga katawhan sa Nazaret misalikway kaniya (Mat. 13:54–58; Luc. 4:22–30).