10. Step i go long Tempol

Eria blong tempol, i seraot long ol yad, mo ol yad aotsaed oli bin stap long graon we i stap daon. Olgeta we oli kam blong wosip oli kam insaed tru long ol defren get, mo tu, tru long ol get we i gotru long ol step we oli go long ol yad aotsaed, mo afta, i go long ol yad insaed. Plante taosen pipol oli go antap long ol step truaot long taem, mo wan long olgeta i Pikinini blong God. Taem ami blong Taetas i prapa spolem gud tempol long yia 70 A.K.B., ol brokbrok samting oli bin kavremap ol step ia. Ol man blong stadi long histri we oli stap digim graon oli bin faenem ol samting ia samples long ol yia 1970 long taem we oli digim wan pat blong olfala siti blong Jerusalem.

Wan Impoten Samting we i bin Hapen: Esikel i bin luk, long wan visen, saes mo sep blong fiuja tempol (Esik 40). (Luk long GS Tempol, Haos blong Lod.)