11. Hil blong Ol Olif Tri

Yumi lukluk i go long Is long Hil blong Ol Olif Tri. Bilding we i stap long fored i makem wan ples we maet i Garen blong Getsemane. Long 24 Oktoba 1841, Elda Orson Haed blong Kworom blong Olgeta Twelef Aposol i bin wokbaot i go antap long Hil blong Ol Olif Tri, mo i givim wan prea we i kam long profet blong dediketem kambak blong ol pikinini blong Ebraham mo blong bildim tempol.

Ol Impoten Samting we oli bin Hapen: Oli prapa spolem gud Jerusalem long yia 70 A.K.B. olsem we Sevya i bin talem finis antap long Hil blong Ol Olif Tri (luk long JS—M 1:23). Sevya bae i stanap yet antap long Hil blong Ol Olif Tri bifo Hem i kamaot long evriwan long wol. (Luk long Sek 14:3–5; D&K 45:48–53; 133:19–20; GS Ol Olif Tri, Hil blong.)