20. Jopa

Lukluk i go long Not Wes ova long siti blong Jopa we waf i stap long hem.

Ol Impoten Samting we oli bin Hapen: Jona i bin go long Jopa blong tekem wan sip i go long Tarsis (Jona 1:1–3). Jopa i waf ia nao we Solomon, mo afta, Serubabel i bin yusum taem oli bin stap tekem ol timba blong sida long bus blong Lebanon blong bildim ol tempol blong olgeta (2 Kron 2:16; Esra 3:7). Long ples ia nao Pita i mekem Tabita we oli save hem tu olsem, Dokas, i kambak long laef (Wok 9:36–43). Pita i bin gat wan visen tu abaot ol animol we oli klin mo ol animol we oli no klin, mo visen ia i talemaot hem nid ia blong statem seves blong hem long medel blong Ol Jentael (Wok 10). Orson Haed i bin kasem ples ia blong dediketem Holi Graon ia long 1841.