4. Kadesbanea

Ples ia, yu stanap long Not Is saed blong bigfala vale ia we i wan draeples (we oli singaotem wadi) mo lukluk i go; ples ia Kadesbanea i stap long hem. Smol reva we i ron long ples ia long taem blong ren i mekem se ples ia i gat gudfala wota mo i wan gudfala graon long draeples ia blong Jin.

Ol Impoten Samting we oli bin Hapen: Ating ples ia nao i ples we Moses i bin sendem 12 man i go jekem graon long Kenan (Nam 13:17–30). I bin stap olsem wan stamba kamp ples blong Ol Man Isrel blong 38 yia aot long ol 40 yia we oli bin stap wokabaot long draeples (Dut 2:14). Miriam i bin ded, mo oli berem hem long ples ia (Nam 20:1). Hemia i bin ples we Kora i bin agens long Moses, ol pipol oli bin komplen, mo wokingstik blong Eron i bin gro (Nam 16–17). Kolosap long ples ia nao Moses i bin kilim wan ston mo wota i bin kamaot long hem (Nam 20:7–11).