30. Korin

Korin i bin jif taon blong provins blong Akaea we i blong Ol Man Rom. Hem i stap long ples ia we i joenem Peloponises wetem menlan blong Gris, mo i gat wan haba long tugeta saed, hemia long Is mo long Wes. Hem i wan siti we i gat waf, mo hem i rij mo i gat paoa.

Ol Impoten Samting we oli bin Hapen: Pol i bin stap long Korin blong wan yia mo sikis manis mo i stanemap Jos long ples ia (Wok 18:1–18). Pol i bin raetem samfala leta i go long ol memba blong Jos long eria blong Korin, mo tu long olgeta leta ia oli stap naoia long Niu Testeman (1 mo 2 Korin). Leta blong Pol i go long Ol Man Rom, maet hem i stap long Korin taem hem i raetem.