5. Ol Gref blong Ol Bubuman blong Bifo

Bilding ia, i wan long ol bilding we oli save gud long hem long Holi Graon; King Herod i bin bildim long Hebron antap long ples ia we hol blong ston we nem blong hem Makpela i stap long hem, we Ebraham i bin pem olsem wan ples blong berem famli blong hem (Jen 23).

Ol Impoten Samting we oli bin Hapen: Ples we oli berem Sera (Jen 23) mo Ebraham (Jen 25:9). Oli berem Aesak, Rebeka, mo Lea tu long ples ia (Jen 49:30–31). Oli tekem bodi blong Jekob aot long Ijip i go long Kenan, mo oli berem insaed long hol blong ston (Jen 50).