6. Ples long Hil blong Judia

Hil ples long Juda i samples 56 kilometa long mo 27 kilometa waed. Plante ples long graon ia, i gat ston nomo mo i had blong mekem garen long hem. I gat ol vale we i seraotem ol hil, mo graon long ol vale ia i rij gud. Ol fas man Isrel oli bin stap long ol hil ia, mo oli bin yusum olgeta agensem ol man we oli bin wantem tekova long ples.

Ol Impoten Samting we oli bin Hapen: Lod i bin promesem graon ia long Ebraham mo laen blong hem (Jen 13:14–18; 17:8). Oli bin berem Sera mo Ebraham insaed long hol blong ston blong Makpela, long Hebron (Jen 23:19; 25:9). Deved i tekova long siti ia we ol man Jebus oli bin stap long hem (2 Saml 5:4–9). I gat moa samting we i bin hapen long taem blong OlTesteman we oli raetemdaon se oli bin tekem ples long ol hil ia i moa bitim eni nara ples.