21. Vale blong Jisrehel

Yu stanap antap evriwan long Hil Taboro mo lukluk i go long Saot Is i go long wan pat blong Jisrehel Vale, we oli save tu olsem, Flatples blong Esdraelon. Nomata oli tingting long Jisrehel Vale olsem wan bigfala vale, hem i plante smol smol vale we oli joen eria blong Flatples blong Ako wetem Jodan Vale mo Lagun blong Galili. Eksampol, vale blong Medigo i stap long Wes pat blong vale ia. Jisrehel Vale i stamba rod we i krosem Holi Graon bitwin Mediterenian Si long Wes mo Jodan Vale long Is.

Ol Impoten Samting we oli bin Hapen: Bigfala rod we i joenem Ijip mo Mesopotemia i pas tru long vale ia, mo plante faet i bin hapen long ples ia (Jaj 1:22–27; 5:19; 2 King 23:29–30). Bigfala mo las faet long graon ia i stat wetem faet blong Amagedon, we bae oli faet long hem i no longtaem bifo long Seken Kaming blong Sevya; i tekem nem blong hem long Har Megiddon, o Hil blong Megido (Esik 38; Joel 3:9–14; Sek 14:2–5; Rev 16:14–16).