29. Atens

Foto ia, oli stanap long Areopagus Hil nao mo tekem; i soem bigfala siti blong Aten we wol i raonem, we i bin wan ples blong haed blong plante giaman god. Aten i bin siti blong Ol Man Gris, we i bin kapitol siti blong Atika long taem bifo, mo long taem blong Niu Testeman, i bin provins blong Akaea anda long rul blong Ol Man Rom. Nem blong hem i kamaot folem nem blong giaman woman god blong Gris, Atena. Taem i kam kasem ol taem blong Niu Testeman, Aten i bin lusum bigfala paoa mo glori blong hem blong bifo, be i stil gat ol ston we oli katem, mo ol olta blong plante god mo woman god, wetem “God ia we oli no save” (Wok 17:23).

Ol Impoten Samting we oli bin Hapen: Aposol Pol i bin visitim siti mo i bin prijim toktok blong hem long saed blong “God ia we oli no save” antap long Mars Hil (Wok 17:15–34). Oli sendem ol misinari we oli bin stap long Atens oli go long ol nara ples blong Gris (1 Tes 3:1–2).