16. Silo

Long foto ia we i lukluk i go long Wes, i gat ol olfala wol blong siti blong bifo, Silo, we oli stap long lefsaed blong medel blong foto.

Ol Impoten Samting we oli bin Hapen: Ol traeb blong Isrel oli bin kam tugeta long ples ia mo oli bin kasem pat blong graon blong olgeta (Jos 18–22). Oli bin setemap tabenakol mo Bokis blong Promes long ples ia mo tufala samting ia i bin stap ia blong plante handred ia (Jos 18:1). Long ples ia nao Hana i bin prea mo dediketem boe blong hem, Samuel, i go long seves blong Lod (1 Saml 1). Ol Man Isrel oli tekem Bokis blong Promes i aot long Silo, mo Ol Man Filistia i bin winim olgeta, mo oli tekem Bokis blong Promes (1 Saml 4:1–11).